ءتىل ماسەلەسى شەشىلمەسە حالىق قايتا كوتەرىلەدى - اياتجان احمەتجان

3188

بەلگىلى پەداگوگ، قوعام بەلسەندىسى اياتجان احمەتجان، قازاق ءتىلى ماسەلەسى اينالاسىنداعى تارتىس ەكىنشى «قاڭتار» وقيعاسىن تۋدىرۋى مۇمكىن دەيدى. «سۇراۋى بار» Youtube ارناسىنا بەرگەن سۇحباتىندا ءتىل جاناشىرى تارتىستىڭ نۇكتەسىن تەك بيلىك قويا الادى دەپ مالىمدەدى. بۇل تۋرالى "ادىرنا" ۇلتتىق پورتالى جازادى.

«قازاق ءتىلىن بيلىك ەندى رەتتەپ بەرمەسە، قازاق تىلىندەگى حالىققا قازاق ءتىلىنىڭ ماسەلەسىن شەشىپ بەرمەسە –ەكىنشى «قاڭتار» وسى ءتىل ماسەلەسىنەن بولۋى ابدەن مۇمكىن. ويتكەنى قازاقستاندا دەموگرافيالىق ءدۇمپۋدى تۋعىزىپ وتىرعان ءۇش وبلىس – الماتى، تۇركىستان، ماڭعىستاۋ وبلىستارىندا وزگە ۇلت جوق. ۇشەۋىندە دە تۋىلاتىن نەگىزىنەن قازاقتىلدى قاۋىم. ونىڭ سىرتىندا قىزىلوردا، اتىراۋ، جامبىل وبلىستارى بار. ءبارىبىر دە قازاق ءتىلدى قاۋىمنىڭ سانى كۇن ساناپ كوبەيە بەرەدى. ونى ەشكىم توقتاتا المايدى»،- دەدى اياتجان احمەتجان.

ءتىل جاناشىرى ەلىمىزدە ەڭ كوپ بالا تۋاتىن وڭىرلەردە ورىس تىلىنە سۇرانىس جوق دەپ ەسەپتەيدى.

«مىسالى، ويلاڭىز، تۇركىستان وبلىسىندا 510 مىڭ وقۋشى بار. پەتروپاۆلدا 75 مىڭ وقۋشى بار. سول 75 مىڭ ورىس ءتىلىن تالاپ ەتىپ سۇراۋى مۇمكىن، ال مىنا جاقتان ءوسىپ كەلە جاتقان 510 مىڭ قازاق ءتىلدى بالانىڭ ماسەلەسىن شەشىپ بەرمەسە، قاقتىعىس بولىپ كەتۋى مۇمكىن. ۇلتتىق قاۋىپسىزدىك كەرەك بولسا بۇل ماسەلەنى بيلىك شۇعىل شەشىپ بەرۋى كەرەك... وتكەندە قاندى قاڭتاردا ورىسشا پلاكات كوتەرىپ ايعايلاپ جۇرگەن ادام كوردىڭىزدەر مە؟ جوق، ءبارى قازاق تىلدىلەر»، - دەيدى بەلسەندى.  

ەسكە سالساق، ەلوردانىڭ سول جاعالاۋىندا جاڭادان اشىلىپ جاتقان مەكتەپتە ورىس سىنىپتارىنىڭ بولمايتىنىنا نارازى اتا-انالار داۋ شىعارعان. ولار ءتىپتى تالابىمىز ورىندالماسا سوتقا جۇگىنەمىز دەپ مالىمدەدى.

پودكاستتىڭ تولىق نۇسقاسىن تومەندەگى سىلتەمەنى باسىپ كورىڭىزدەر:

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket