Belgılı pedagog, qoǧam belsendısı Aiatjan Ahmetjan, qazaq tılı mäselesı ainalasyndaǧy tartys ekınşı «qaŋtar» oqiǧasyn tudyruy mümkın deidı. «Sūrauy bar» Youtube arnasyna bergen sūhbatynda tıl janaşyry tartystyŋ nüktesın tek bilık qoia alady dep mälımdedı. Būl turaly "Adyrna" ūlttyq portaly jazady.
«Qazaq tılın bilık endı rettep bermese, qazaq tılındegı halyqqa qazaq tılınıŋ mäselesın şeşıp bermese –ekınşı «qaŋtar» osy tıl mäselesınen boluy äbden mümkın. Öitkenı Qazaqstanda demografiialyq dümpudı tuǧyzyp otyrǧan üş oblys – Almaty, Türkıstan, Maŋǧystau oblystarynda özge ūlt joq. Üşeuınde de tuylatyn negızınen qazaqtıldı qauym. Onyŋ syrtynda Qyzylorda, Atyrau, Jambyl oblystary bar. Bärıbır de qazaq tıldı qauymnyŋ sany kün sanap köbeie beredı. Ony eşkım toqtata almaidy»,- dedı Aiatjan Ahmetjan.Tıl janaşyry elımızde eŋ köp bala tuatyn öŋırlerde orys tılıne sūranys joq dep esepteidı.
«Mysaly, oilaŋyz, Türkıstan oblysynda 510 myŋ oquşy bar. Petropavlda 75 myŋ oquşy bar. Sol 75 myŋ orys tılın talap etıp sūrauy mümkın, al myna jaqtan ösıp kele jatqan 510 myŋ qazaq tıldı balanyŋ mäselesın şeşıp bermese, qaqtyǧys bolyp ketuı mümkın. Ūlttyq qauıpsızdık kerek bolsa būl mäselenı bilık şūǧyl şeşıp beruı kerek... Ötkende qandy qaŋtarda orysşa plakat köterıp aiǧailap jürgen adam kördıŋızder me? Joq, bärı qazaq tıldıler», - deidı belsendı.Eske salsaq, elordanyŋ sol jaǧalauynda jaŋadan aşylyp jatqan mektepte orys synyptarynyŋ bolmaitynyna narazy ata-analar dau şyǧarǧan. Olar tıptı talabymyz oryndalmasa sotqa jügınemız dep mälımdedı. Podkasttyŋ tolyq nūsqasyn tömendegı sıltemenı basyp körıŋızder: https://youtu.be/HwkcBDZ5Vm0
