Til máselesi sheshilmese halyq qaıta kóteriledi - Aıatjan Ahmetjan

3130

Belgili pedagog, qoǵam belsendisi Aıatjan Ahmetjan, qazaq tili máselesi aınalasyndaǵy tartys ekinshi «qańtar» oqıǵasyn týdyrýy múmkin deıdi. «Suraýy bar» Youtube arnasyna bergen suhbatynda til janashyry tartystyń núktesin tek bılik qoıa alady dep málimdedi. Bul týraly "Adyrna" ulttyq portaly jazady.

«Qazaq tilin bılik endi rettep bermese, qazaq tilindegi halyqqa qazaq tiliniń máselesin sheship bermese –ekinshi «qańtar» osy til máselesinen bolýy ábden múmkin. Óıtkeni Qazaqstanda demografııalyq dúmpýdi týǵyzyp otyrǵan úsh oblys – Almaty, Túrkistan, Mańǵystaý oblystarynda ózge ult joq. Úsheýinde de týylatyn negizinen qazaqtildi qaýym. Onyń syrtynda Qyzylorda, Atyraý, Jambyl oblystary bar. Báribir de qazaq tildi qaýymnyń sany kún sanap kóbeıe beredi. Ony eshkim toqtata almaıdy»,- dedi Aıatjan Ahmetjan.

Til janashyry elimizde eń kóp bala týatyn óńirlerde orys tiline suranys joq dep esepteıdi.

«Mysaly, oılańyz, Túrkistan oblysynda 510 myń oqýshy bar. Petropavlda 75 myń oqýshy bar. Sol 75 myń orys tilin talap etip suraýy múmkin, al myna jaqtan ósip kele jatqan 510 myń qazaq tildi balanyń máselesin sheship bermese, qaqtyǵys bolyp ketýi múmkin. Ulttyq qaýipsizdik kerek bolsa bul máseleni bılik shuǵyl sheship berýi kerek... Ótkende qandy qańtarda oryssha plakat kóterip aıǵaılap júrgen adam kórdińizder me? Joq, bári qazaq tildiler», - deıdi belsendi.  

Eske salsaq, elordanyń sol jaǵalaýynda jańadan ashylyp jatqan mektepte orys synyptarynyń bolmaıtynyna narazy ata-analar daý shyǵarǵan. Olar tipti talabymyz oryndalmasa sotqa júginemiz dep málimdedi.

Podkasttyń tolyq nusqasyn tómendegi siltemeni basyp kórińizder:

Pikirler
Redakııa tańdaýy