ۋكراينالىق جۋرناليست، قوعام قايراتكەرى، ساياساتكەر دميتري گوردون قازاقستاندىق جۋرناليست ۆاديم بورەيكونىڭ «گيپەربورەي» باعدارلاماسىنا سۇحبات بەرىپ، بىرقاتار ساۋالدار توڭىرەگىندە اڭگىمە قۇردى، دەپ جازادى "ادىرنا" ۇلتتىق پورتالى orda.kz-كە سىلتەمە جاساپ.
«مەن پوستكەڭەستىك ەلدەردەگى بارلىق رەاكتسيانى باقىلاپ وتىرمىن. ماعان قازاقستان مەن قازاقستاندىقتاردىڭ رەاكتسياسى ۇنايدى. ۋكراينانى قولداپ جاتىر. جاقىندا كەوسايان دەيتىن جارتىباس قازاقستان تۋرالى اۋزىنا كەلگەندى ايتىپتى. بۇل حايۋان يۋمورلىق باعدارلامادا ايتقان ءسوزىن ەستىدىم. قازاقستاندى ۋكراينانىڭ مىسالىمەن قورقىتىپ وتىر. ماعان قازاقستاندىق قوعامنىڭ بۇعان بەرگەن جاۋابى قاتتى ۇنادى. دەپۋتاتتار، حالىق ارتىستەرى جانە بلوگەرلەر بۇل بەيشارانى ابدەن شايقادى. مەنىڭ قازاقستاندىق دوستارىم كوپ. مىسالى، مارعۇلان سەيسامبايدى ايتا الامىن. مەنىڭ اتا-اجەم الماتىدا بولعان»، – دەدى ول.
گوردون قازاقستان تۋرالى جىلى سوزدەرىن ايتىپ، ەلىمىزدەگى كوپ ۇلتتىڭ اۋىزبىرشىلىكتە، ىنتىماقتا تىرشىلىك ەتىپ جاتقانىن ەرەكشە اتاپ ءوتتى. قازاقستاننىڭ ساياسي ەليتاسى تۋرالى دا جىلى پىكىرىن ايامادى.
"ادىرنا" ۇلتتىق پورتالى
