Ukrainalyq jurnalist, qoǧam qairatkerı, saiasatker Dmitrii Gordon qazaqstandyq jurnalist Vadim Boreikonyŋ «Giperborei» baǧdarlamasyna sūhbat berıp, bırqatar saualdar töŋıregınde äŋgıme qūrdy, dep jazady "Adyrna" ūlttyq portaly orda.kz-ke sılteme jasap.
«Men postkeŋestık elderdegı barlyq reaksiiany baqylap otyrmyn. Maǧan Qazaqstan men qazaqstandyqtardyŋ reaksiiasy ūnaidy. Ukrainany qoldap jatyr. Jaqynda Keosaian deitın jartybas Qazaqstan turaly auzyna kelgendı aitypty. Būl haiuan iumorlyq baǧdarlamada aitqan sözın estıdım. Qazaqstandy Ukrainanyŋ mysalymen qorqytyp otyr. Maǧan qazaqstandyq qoǧamnyŋ būǧan bergen jauaby qatty ūnady. Deputattar, halyq ärtısterı jäne blogerler būl beişarany äbden şaiqady. Menıŋ qazaqstandyq dostarym köp. Mysaly, Marǧūlan Seisambaidy aita alamyn. Menıŋ ata-äjem Almatyda bolǧan», – dedı ol.Gordon Qazaqstan turaly jyly sözderın aityp, elımızdegı köp ūlttyŋ auyzbırşılıkte, yntymaqta tırşılık etıp jatqanyn erekşe atap öttı. Qazaqstannyŋ saiasi elitasy turaly da jyly pıkırın aiamady.
"Adyrna" ūlttyq portaly
