Ýkraınalyq jýrnalıst, qoǵam qaıratkeri, saıasatker Dmıtrıı Gordon qazaqstandyq jýrnalıst Vadım Boreıkonyń «Gıperboreı» baǵdarlamasyna suhbat berip, birqatar saýaldar tóńireginde áńgime qurdy, dep jazady "Adyrna" ulttyq portaly orda.kz-ke silteme jasap.
«Men postkeńestik elderdegi barlyq reakııany baqylap otyrmyn. Maǵan Qazaqstan men qazaqstandyqtardyń reakııasy unaıdy. Ýkraınany qoldap jatyr. Jaqynda Keosaıan deıtin jartybas Qazaqstan týraly aýzyna kelgendi aıtypty. Bul haıýan ıýmorlyq baǵdarlamada aıtqan sózin estidim. Qazaqstandy Ýkraınanyń mysalymen qorqytyp otyr. Maǵan qazaqstandyq qoǵamnyń buǵan bergen jaýaby qatty unady. Depýtattar, halyq ártisteri jáne blogerler bul beısharany ábden shaıqady. Meniń qazaqstandyq dostarym kóp. Mysaly, Marǵulan Seısambaıdy aıta alamyn. Meniń ata-ájem Almatyda bolǵan», – dedi ol.
Gordon Qazaqstan týraly jyly sózderin aıtyp, elimizdegi kóp ulttyń aýyzbirshilikte, yntymaqta tirshilik etip jatqanyn erekshe atap ótti. Qazaqstannyń saıası elıtasy týraly da jyly pikirin aıamady.
"Adyrna" ulttyq portaly
