"قيناپ الىپ كەتۋدە": جاس جىگىتتەردى اسكەرگە ماجبۇرلەگەن ۆيدەوعا مينيسترلىك جاۋاپ بەردى (ۆيدەو)

3785

الەۋمەتتىك جەلىلەر مەن قوعامدىق پاراقشالاردا شىمكەنتتىك جىگىتتى كولىككە قيناپ وتىرعىزىپ جاتقان ۆيدەو تاراپ جاتىر، دەپ حابارلايدى "ادىرنا" سايتى. 

"شىمكەنتتە جىگىتتەردى قالاي كۇشپەن اسكەرگە الىپ كەتەدى؟! بۇل سۇمدىق. ولاردى كوشەدەن الىپ كەتۋدە، ءتىپتى اتا-اناسىنا تەلەفون سوعۋعا دا مۇمكىندىك بەرمەيدى!" – دەيدى كۋاگەر.

قورعانىس مينيسترلىگى وقيعاعا قاتىستى تۇسىنىكتەمە بەردى. ءساۋىردىڭ 22-ءسى كۇنى شىمكەنتتە قورعانىس ۆەدومستۆولارىنىڭ شاقىرتۋلارى بويىنشا كەلمەي، اسكەرگە شاقىرۋدان جالتارعان اسكەري قىزمەتشىلەرگە ىزدەۋ جۇرگىزىلدى. سونىڭ ناتيجەسىندە ستانساعا 6 مەرزىمدى اسكەري قىزمەتشى اكەلىندى.

"رەيدتىك ءىس-شارانىڭ قورىتىندىسى بويىنشا اتا-انالار مەن اسكەر قاتارىنا شاقىرىلعاندار تاراپىنان قورعانىس بولىمىنە شاعىمدار تۇسكەن جوق. شاقىرۋ قاعازىن العان اسكەرگە شاقىرىلعاندار شاقىرۋ ۋچاسكەلەرىنە مەديتسينالىق كوميسسيادان وتۋگە كەلمەيدى", - دەدى مينيسترلىك.

مەديتسينالىق كوميسسيادان جانە مەرزىمدى اسكەري قىزمەتتەن جالتارۋ اكىمشىلىك جانە قىلمىستىق جاۋاپكەرشىلىكتى كوزدەيدى، دەپ ەسكە سالدى قورعانىس مينيسترلىگى.

بۇعان دەيىن قورعانىس ءمينيسترى رۋسلان جاقسىلىقوۆ بۇل ماسەلەگە قاتىستى پىكىر ءبىلدىرىپ، اسكەرگە شاقىرۋدان جالتارعاندارعا زاڭ اياسىندا عانا شارا قولدانىلىپ جاتقانىن ايتقان بولاتىن.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket