اق ءۇيدىڭ كادەسىي دۇكەنى ۋكراينا پرەزيدەنتى ۆلاديمير زەلەنسكيدىڭ سۋرەتى بار كوللەكتسيالىق مونەتالاردى ساتىلىمعا شىعاردى، دەپ حابارلادى اقش اكىمشىلىگى. بۇل تۋرالى "ادىرنا" ۇلتتىق پورتالى جازادى.
مونەتانىڭ قۇنى - 100 دوللار. سيپاتتامادا بۇل "امەريكا پرەزيدەنتتىگىنىڭ تاريحي ساتتەرى مونەتالار جيناعى" سەرياسىندا ۇسىنىلعان 32-ءشى مونەتا. وندا زەلەنسكيدىڭ 7 ناۋرىزدا اقش كونگرەسىنە ۆيدەوبايلانىس ارقىلى شىققان كەزدەگى سۋرەتى بەينەلەنگەن.
"بۇل الەمدەگى ەڭ ءىرى اسكەري جانە قارجىلىق دەرجاۆاعا تاستاعان ەرەكشە ۆيرتۋالدى ۇندەۋ بولدى. زەلەنسكي امەريكا تاريحىنداعى وقيعالارعا سىلتەمە جاساي وتىرىپ، ەكىنشى دۇنيەجۇزىلىك سوعىستىڭ باستالۋىنا سەبەپ بولعاە پەرل-حاربورعا جاسالعان شابۋىلدى جانە تەرروريزمگە قارسى سوعىستىڭ باستاۋىنداعى 2001 جىلعى 11 قىركۇيەكتەگى قايعىلى جاعدايدى ەسكە الدى»،- دەپ جازدى اق ءۇي ءباسپاسوز قىزمەتى.
سونداي-اق، مالىمدەمەدە اتاپ كورسەتىلگەندەي، بۇل مونەتالاردى ساتۋدان تۇسكەن پايدانىڭ 100% - ى ۋكرايناعا گۋمانيتارلىق كومەك كورسەتۋ ءۇشىن امەريكالىق قىزىل كرەستكە اۋدارىلادى.
