بەكبولات قارجان: حالىقتىڭ مۇددەسى مەن قۇقىن قالپىنا كەلتىرۋ جولىنداعى كۇرەسىمىزدى توقتاتپايمىز

1193

وسىدان ءبىراز ۋاقىت بۇرىن، ياعني 7 اقپان 2022 جىلى مەنىڭ فەيسبۋككە سالعان جەر داۋى بويىنشا ماقالامدى وقىپ، قازىعۇرت اۋدانىنىڭ اكىمى ارمان ابدۋللاەۆ شۇعىل التىنتوبە اۋىلى وكرۋگىنىڭ حالقىمەن جينالىس وتكىزۋگە كەلدى. مەن جەردىڭ تالاپ ارىز قۇجاتتارىن سوتقا وتكىزۋ جۇمىستارىمەن بۇل جينالىسقا جارتى ساعاتقا كەشىگىپ كەلدىم. مەن جينالىسقا جەتكەنشە ءبىراز اڭگىمە ايتىلىپ قالعان ەكەن. ونىڭ ءبارىن بەينەجازبالاردان قاراپ شىقتىم.

بەينەجازبالارداعى نەگىزگى فراگمەنتتەرگە قاراساق، ارەكەڭنىڭ ءسوزى بىلاي:

1. مەن سىزدەرگە قازىرگى ء"بىز سىزدەرگە جەر كودەكسىنە سايكەس جەردى بەرە المايمىز" دەپ وتىر. ونى مىناۋ بەينەجازبادان قاراڭىزدار. ارەكەڭنىڭ ايتۋى بويىنشا 30 جىل بويى ءوزىنىڭ جەر ۇلەسىن الا الماعان، قۇقى تاپتالعان حالىققا قر جەر كودەكسىندەگى زاڭ نورمالارى بويىنشا جەرى بەرىلمەيدى. زاڭ نورمالارىنا سۇيەنىپ، حالىققا ءوزىنىڭ جەر ۇلەسى بەرىلمەسە، وندا بۇل زاڭسىز بەرىلەدى. باياعى ىردۋ-دىردۋ قايتا جالعاسىن تابادى دەگەن ءسوز.

2. ارمان ابدۋللاەۆ مىرزا ۇكىمەتتىڭ قاۋلىسىن شىعارىپ، جەردى ۇلەستىرەمىز دەپ وتىر. وسى ۋاقىتقا دەيىن ۇكىمەتتىڭ پالەنباي قاۋلىسى شىعىپ، ءبىزدىڭ جەرىمىز اركىمنىڭ مەنشىگىنە ءوتىپ، قۇقىمىز تاپتالعان كۇيى قالعان. جەردى ءبىر بىرىنە سىلتەپ لاقتىرعان ۇكىمەتتىك ۇيىمداردىڭ بارلىق قاۋلىسى مەن جالعان قۇجاتتارى ءبىزدىڭ قولىمىزدا تۇر. سوندىقتان ءبىز ۇكىمەتتىڭ قاۋلىسى دەگەن دۇنيەگە ەشقاشان دا سەنبەيمىز.

3. ارمان ابدۋللاەۆ قازىرگى جەر كودەكسىندەگى باپتاردا جەردى ۇلەستىرىپ بەرۋ قاراستىرىلماعان دەپ تاعى دا ايتىپ وتىر. ارمان مىرزا وسىدان ءبىراز ۋاقىت بۇرىن (شاماسى 8-9 اي بۇرىن) حالىقپەن كەزدەسۋىندە (بەينەجازبالارى ساقتالىپ تۇر) قر جەر كودەكسىندەگى 103-باپ التىنتوبە اۋىلى وكرۋگىنە قاراستىرىلماعان دەپ كەتكەن. سونى تاعى دا قايتالاپ وتىر. دەمەك، اۋدان اكىمىنىڭ پايىمىنشا، التىنتوبە اۋىلى وكرۋگىنىڭ جەرلەرى قازاقستاننىڭ تەرريتورياسىنا كىرمەيدى دەگەن ءسوز. مۇمكىن، وزبەكستاندا شىعار، مۇمكىن تۇركىمەنستاندا شىعار. ونى زاڭ بويىنشا انىقتايمىز.
ال قر جەر كودەكسىندەگى 103-بابىنىڭ 1-بولىگىندە: "1. جەكەشەلەندiرiلەتiن مەملەكەتتiك اۋىل شارۋاشىلىعى ۇيىمدارى قىزمەتكەرلەرiنiڭ، سونداي-اق زەينەتكەرلەر مەن وسى ۇيىمداردىڭ وندiرiستiك جانە الەۋمەتتiك-مادەني قىزمەت كورسەتۋ سالالارىندا iستەيتiن جانە ولاردىڭ اۋماعىندا تۇراتىن ادامداردىڭ شارتتى جەر ۇلەسiنە قۇقىعى بار"-دەپ، تايعا تاڭبا باسقانداي ەتىپ كورسەتىلىپ تۇر. زاڭ بىلاي دەسە، اكىم بىلاي دەيدى.

ءدال وسى فراگمەنتتەر ايتىلىپ جاتقان كەزدە مەن اۋداندىق سوتقا تالاپ ارىز وتكىزىپ كەلە جاتقان ەدىم. مەن كەلىپ، قاتىسقاننان كەيىن مىناداي ماتىندەگى سوزدەردى اۋدان اكىمىنىڭ اۋزىنان ەستىمەدىم.

قازىعۇرت اۋدانىنىڭ اكىمى ارمان ابدۋللاەۆتىڭ ايتىپ وتىرعان ءسوزىن تومەندەگى بەينەجازبالاردان قاراپ شىعىڭىزدار.

قر كونستيتۋتسيلىق زاڭدارىندا جەر داۋلارى تەك قانا، تەك قانا، تەك قانا، تەك قانا، تەك قانا، تەك قانا، تەك قانا سوت ارقىلى عانا شەشىلەدى. بۇل جايىندا قر جەر كودەكسىندە 15 جەردە زاڭ نورمالارىمەن سىلتەمە كەلتىرىلگەن.

قازىعۇرت اۋداندىق سوتى قازىر ءبىزدىڭ ءۇشىنشى تالاپ ارىزىمىزدى قايتارىپ تاستادى. وبلىسقا اپەللياتسيالىق شاعىمداردى جولداپ وتىرمىز.
ءبىز 30 جىل بويى قۇقى تاپتالعان حالىقتىڭ كونستيتۋتسيالىق قۇقىن رەتكە كەلتىرۋ جولىندا، حالىقتىڭ قۇقى مەن مۇددەسىنە قارسى جۇمىس جاساعان، جەرىن ساتىپ، نورماتيۆتىك-قۇقىقتىق اكتىلەرگە قول قويىپ، ادىلەتسىزدىككە جول بەرگەن، قاساقانا زاڭسىزدىقتاردى ىسكە اسىرعان كەزىندەگى باسشىلاردى زاڭ الدىندا جاۋاپقا تارتۋ جولىندا كۇرەسىمىزدى توقتاتپايمىز.

قۇرمەتتى، قازاقستاننىڭ جوعارعى بيلىگىندەگى لاۋازىمدى باسشىلار!

ءبىزدىڭ التىنتوبە اۋىلى وكرۋگىنىڭ جەرىن حالىققا بەلگىسىز كورپوراتسيا مەنشىكتەپ الىپ، جەرلەرى بولىسكە ءتۇسىپ، ازاماتتارى تەرگەۋگە تارتىلىپ، سوتتالىپ جاتىر. ادىلەتتىڭ ورناپ، تاپتالعان حالىقتىڭ قۇقىن رەتكە كەلتىرۋ جولىندا سىزدەردەن كومەك سۇرايمىز.

التىنتوبە اۋىلى وكرۋگىنىڭ ازاماتتارى جەر داۋى بويىنشا قازىعۇرت اۋداندىق سوتىنا 3 رەت تالاپ ارىز ءتۇسىردى. قازىعۇرت اۋداندىق سوتى ۇشەۋىن دە قاراۋسىز قالدىرىپ، كەرى قايتارىپ جىبەردى. ءبىز 30 جىل بويى قۇقى تاپتالعان حالىقتىڭ مۇددەسى مەن قۇقىن قالپىنا كەلتىرۋ جولىنداعى كۇرەسىمىزدى توقتاتپايمىز. ادىلدىك ورناعانشا كۇرەسەمىز.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket