حراپۋنوۆ يەلەنگەن 37 مىڭ گەكتار جەر مەملەكەتكە قايتارىلدى

2299
Adyrna.kz Telegram

شىعىس قازاقستان وبلىسىندا بىلتىر 37 مىڭ گەكتار جەر مەملەكەت مەنشىگىنە قايتارىلدى. بۇل - 533 ۋچاستوك دەگەن ءسوز. ونىڭ جەتەۋى وسى وبلىستى 2004-2007 جىلدار ارالىعىندا باسقارعان ۆيكتور حراپۋنوۆقا تيەسىلى بولىپ شىقتى. بۇل تۋرالى «حابار 24» تەلەارناسى حابارلادى، دەپ جازادى "ادىرنا" ۇلتتىق پورتالى. 

بۇرىنعى اكىم ەڭ شۇرايلى جەرلەردى يەلەنگەن. ماسەلەن بۇقتىرما سۋ قويماسىنىڭ جاعالاۋى مەن سامار اۋدانىندا بىرنەشە جەر تەلىمدەرى بولعانى انىقتالدى.

سونىمەن قاتار وسكەمەن قالاسىندا 4 ۋچاسكەنى الىپ قويعان. بۇل جەرلەر 10 جىلدان بەرى بوس تۇرعان.

وبلىستىق پروكۋراتۋرا وكىلدەرىنىڭ مالىمدەۋىنشە، حراپۋنوۆقا قاراستى بارلىق جەر تەلىمىنىڭ جالپى قۇنى 5 ميلليارد تەڭگەدەن اسادى.

"ادىرنا" ۇلتتىق پورتالى 

پىكىرلەر