الەۋمەتتىك جەلىدە ءبىر ەر ادامنىڭ ايەلدى ۇرىپ-سوعىپ جاتقان ۆيدەوسى تارادى. بەلگىلى بولعانداي، جابىرلەنۋشى ايەل اجىراسىپ كەتكەن جۇبايىنان زارداپ شەگىپ جۇرگەنىنە شاعىمدانىپ، وسىعان دەيىن پوليتسيانىڭ كومەگىنە ەكى رەت جۇگىنگەن، دەپ حابارلايدى “ادىرنا” ۇلتتىق پورتالى Zakon.kz. سايتىنا سىلتەمپ جاساپ.
جايسىز وقيعا 13 ساۋىردە تاڭەرتەڭ سىعاناق كوشەسىندە ورىن الدى. بۇرىنعى ايەلىمەن سوزگە كەلگەن 25 جاستاعى استانالىق وعان جۇدىرىق الا جۇگىرگەن. بولعان وقيعا سىرتقى كامەرالاردا جازىلىپ قالعان.
اتالعان فاكتى ەسىل اۋداندىق پب-دا تىركەلدى، ايىپتى ەر ادامنىڭ تۇرعىلىقتى جەرىن انىقتاۋ بويىنشا ءىس-شارالار جۇرگىزىلىپ جاتىر، دەپ مالىمدەدى نۇر-سۇلتان قالالىق پد ءباسپاسوز قىزمەتى.
جابىرلەنۋشى ايەل اجىراسىپ كەتكەن جۇبايىنان زارداپ شەگىپ جۇرگەنىنە شاعىمدانىپ، وسىعان دەيىن پوليتسيانىڭ كومەگىنە ەكى رەت جۇگىنگەن.
ەر ادامعا قاتىستى قورعانىس ۇيعارىمى شىعارىلىپ، ونى بۇزعان جاعدايدا نە بولاتىنى ءتۇسىندىرىلدى. دەگەنمەن، قۋدالاۋ جالعاسا بەرگەن.
ماسەلەن، بيىلعى جىلدىڭ ناۋرىز ايىندا نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنىڭ قاۋلىسىنا سايكەس، ۇرتوقپاق ەر ادام ەكى رەت كىنالى دەپ تانىلىپ، سوت "ەسكەرتۋ"تۇرىندەگى اكىمشىلىك جازا قولدانعان بولاتىن.
“ادىرنا” ۇلتتىق پورتالى
