شىمكەنت قالاسى اكىمىنىڭ حالىقپەن ەسەپتى كەزدەسۋى ءوتتى

2864

قازاقستان رەسپۋبليكاسى پرەزيدەنتىنىڭ جارلىعىنا سايكەس ءوڭىر اكىمدەرىنىڭ تۇرعىندارمەن توقسان سايىن كەزدەسۋى تاپسىرىلعان. وسى ماقساتتا بۇگىن شىمكەنت قالاسىنىڭ اكىمى م.ايتەنوۆ اباي اۋدانى تۇرعىندارىمەن ەسەپتى كەزدەسۋ وتكىزدى.

كەزدەسۋدى قالالىق ءماسليحات حاتشىسى ب.نارىمبەتوۆ جۇرگىزىپ، دەپۋتاتتار مەن باسقارما باسشىلارى قاتىستى.

34 ەلدىمەكەننەن تۇراتىن اباي اۋدانىنىڭ كەزدەسۋگە 15 ەلدىمەكەنى، اتاپ ايتقاندا جاڭاتالاپ، قىزىلجار، التىنتوبە، كوكبۇلاق، تاۋەلسىزدىككە 20 جىل، يگىلىك، جايلاۋ، اقنيەت، ىنتىمىق، ىنتىماق-2, تۇرلان، جاڭا تۇرلان، اقنيەت، قورعاسىن-1,2 جيدەلى تۇرعىن الابىنان 400-گە جۋىق تۇرعىنى كەلدى.

قالا اكىمى 1-توقساندى قورىتىندىلاپ، قالانىڭ دامۋ كورسەتكىشىن بايانداپ، ەلدىمەكەندەردى ارالاۋ كەزىندە كوتەرىلگەن ماسەلەلەردىڭ شەشىلۋى بويىنشا ەسەپ بەردى.

جاڭا جىلدان بەرى م.ايتەنوۆ مەگاپوليستەگى بارلىق 72 ەلدىمەكەندى ارالاپ، وندا 374 ماسەلە كوتەرىلگەنىن جەتكىزدى. اربىرىنە جەكە حاتتامالىق تاپسىرما جازىلىپ، ورىندالۋى قاتاڭ باقىلاۋدا بولدى. ناتيجەسىندە بۇگىنگە دەيىن 78 ماسەلە شەشىلدى، 249-ى جىل سوڭىنا دەيىن شەشىلەدى، 47 ماسەلە 2023-2025 جىلدارى شەشىمىن تابادى.

ارالاۋدان بولەك، اي سايىن اۋدان بەلسەندىلەرىمەن اكىمدىك عيماراتىندا قابىلداۋلار ءوتتى. وندا اتقارىلعان جۇمىستار ناتيجەسى باياندالىپ، بەلسەندىلەرمەن ماقۇلدانىپ وتىردى.

اشىق ديالوگ ارقىلى مەملەكەتتىك ورگان مەن حالىق اراسىنداعى بايلانىس نىعايىپ، قالانىڭ وركەندەۋىندە ءۇش جاقتى جاۋاپكەرشىلىك ورناعانىن ايتقان م.ايتەنوۆ الدا بۇل جۇمىستار جالعاساتىنىن جەتكىزدى. كەزدەسۋ تۇرعىندار ساۋالىنا جاۋاپ بەرۋمەن ۇلاستى.

"ادىرنا" ۇلتتىق پورتالى 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket