Qazaqstan Respýblıkasy Prezıdentiniń Jarlyǵyna sáıkes óńir ákimderiniń turǵyndarmen toqsan saıyn kezdesýi tapsyrylǵan. Osy maqsatta búgin Shymkent qalasynyń ákimi M.Áıtenov Abaı aýdany turǵyndarymen esepti kezdesý ótkizdi.
Kezdesýdi qalalyq máslıhat hatshysy B.Narymbetov júrgizip, depýtattar men basqarma basshylary qatysty.
34 eldimekennen turatyn Abaı aýdanynyń kezdesýge 15 eldimekeni, atap aıtqanda Jańatalap, Qyzyljar, Altyntóbe, Kókbulaq, Táýelsizdikke 20 jyl, Igilik, Jaılaý, Aqnıet, Yntymyq, Yntymaq-2, Turlan, Jańa Turlan, Aqnıet, Qorǵasyn-1,2 Jıdeli turǵyn alabynan 400-ge jýyq turǵyny keldi.
Qala ákimi 1-toqsandy qorytyndylap, qalanyń damý kórsetkishin baıandap, eldimekenderdi aralaý kezinde kóterilgen máselelerdiń sheshilýi boıynsha esep berdi.
Jańa jyldan beri M.Áıtenov megapolıstegi barlyq 72 eldimekendi aralap, onda 374 másele kóterilgenin jetkizdi. Árbirine jeke hattamalyq tapsyrma jazylyp, oryndalýy qatań baqylaýda boldy. Nátıjesinde búginge deıin 78 másele sheshildi, 249-y jyl sońyna deıin sheshiledi, 47 másele 2023-2025 jyldary sheshimin tabady.
Aralaýdan bólek, aı saıyn aýdan belsendilerimen ákimdik ǵımaratynda qabyldaýlar ótti. Onda atqarylǵan jumystar nátıjesi baıandalyp, belsendilermen maquldanyp otyrdy.
Ashyq dıalog arqyly memlekettik organ men halyq arasyndaǵy baılanys nyǵaıyp, qalanyń órkendeýinde úsh jaqty jaýapkershilik ornaǵanyn aıtqan M.Áıtenov alda bul jumystar jalǵasatynyn jetkizdi. Kezdesý turǵyndar saýalyna jaýap berýmen ulasty.
"Adyrna" ulttyq portaly
