يمانعالي تاسماعامبەتوۆ لاڭكەستىككە قارسى كۇرەس قۇرالدارىن ازىرلەۋگە شاقىردى، دەپ حابارلايدى "ادىرنا" ۇلتتىق پورتالى ريا نوۆوستي اگەنتتىگىنە سىلتەپ.
ۇقشۇ باس حاتشىسى تەرروريزم گيبريدتى سوعىستا قولدانىلاتىنىن ايتتى. ول ۇلتارالىق جانە دىنارالىق الاۋىزدىق تۋدىراتىندىقتان ۇقشۇ-عا مۇشە ەلدەرگە ءتۇرلى الاۋىزدىقتارعا قارسى تۇرۋ قۇرالدارىن ازىرلەۋ كەرەكتىگىن ايتتى.
"تەراكت اۋقىمىمەن، قاتىگەزدىكپەن جانە قىلمىس جاسالعان قىسقا مەرزىممەن قاتار، قىلمىسكەرلەردىڭ تالاپ قويماعانىن، ۇزاق ۋاقىت بويى ەشكىم جاۋاپكەرشىلىكتى ءوز موينىنا الماعانىن دا ايتا كەتۋ كەرەك جانە بۇل بولعان كەزدە سەنىمسىز بولىپ كورىندى. البەتتە، بۇل جاي عانا باسقانىڭ اتىن جامىلىپ جاسالعان وپەراتسيا ەمەس، جاعداي الدەقايدا كۇردەلى، دەگەنمەن ونىڭ قايعىسى بۇدان جەڭىلدەپ جاتقان جوق.تەرروريزم جاڭا سيپاتقا يە بولىپ، بيلىكتىڭ ءىس-ارەكەتىنە نارازىلىقتىڭ، ازاماتتىق الاۋىزدىقتىڭ، ۇلتارالىق جانە دىنارالىق الاۋىزدىقتىڭ كۇشەيۋىنە اكەلىپ سوقتىراتىن گيبريدتىك سوعىس قارۋى رەتىندە قولدانىلۋدا. تەراكتىلەردىڭ بۇل فورماتى بارعان سايىن ديۆەرسيالىق ارەكەتتەرگە ۇقسايدى. بۇل ۇقشۇ-عا مۇشە بارلىق مەملەكەت الدىنا وسى قاۋىپكە قارسى تۇرۋدىڭ ءتيىمدى قۇرالدارىن ازىرلەۋ مىندەتىن قويادى", - دەدى ۇقشۇ باس حاتشىسى.
سونداي-اق، تاسماعامبەتوۆ قازىرگى مەملەكەتتەر ساياسي جانە يدەولوگيالىق كۇرەس جۇرگىزۋدىڭ مۇنداي ادىستەرىنەن باس تارتۋعا قاتىستى ورتاق ۇستانىمعا كەلە الماي جاتقانىن قوستى.
