يتاليا پرەمەر-ءمينيسترى دجوردجا مەلوني قازاقستانعا كەلمەيتىن بولدى. بۇل تۋرالى پرەزيدەنتتىڭ ءباسپاسوز حاتشىسى رۋسلان جەلدىباي الەۋمەتتىك جەلىگە جازدى، دەپ حابارلايدى “ادىرنا” ۇلتتىق پورتالى.
ايتۋىنشا، يتاليادا بولىپ جاتقان سۋ تاسقىنى سالدارىنان يتاليا پرەمەر-ءمينيسترى دجوردجا مەلوني قازاقستانعا كەلمەيدى.
"ەميليا-رومانيا ايماعىندا بولعان جويقىن سۋ تاسقىنىسالدارىنان كوپتەگەن ادامنىڭ قازا تابۋىنا بايلانىستى يتاليا پرەمەر-ءمينيسترى دجوردجا مەلوني تابيعات اپاتىنان زارداپ شەككەن وڭىرلەرگە بارۋ ءۇشىن حيروسيمادا ءوتىپ جاتقان G7 سامميتىنە سوڭىنا دەيىن قاتىسپاي، ەلىنە قايتىپ بارادى.
كەلىپ تۇسكەن مالىمەت بويىنشا يتاليانىڭ سولتۇستىگىندە كەم دەگەندە 40-تان استام ەلدى مەكەن سۋ استىندا قالىپ، 20 مىڭنان استام ادام باسپاناسىنان ايىرىلدى.
وسى سەبەپكە بايلانىستى يتاليا ۇكىمەتى باسشىسىنىڭ استاناعا الدىن جوسپارلانعان جۇمىس ساپارى بولمايدى", - دەپ جازدى رۋسلان جەلدىباي.
جازباعا سۇيەنسەك، يتاليا تاراپى پرەزيدەنت قاسىم-جومارت توقاەۆ پەن دجوردجا مەلونيدىڭ تەلەفون ارقىلى سويلەسۋىن ۇيىمداستىرۋدى سۇراعان كورىنەدى.
ايتا كەتەيىك، مەملەكەت باسشىسى قاسىم-جومارت توقاەۆ يتاليا پرەمەر-ءمينيسترى دجوردجا مەلونيمەن 22 مامىر كۇنى كەسدەسۋ كەرەك ەدى.
