ادىلەت مينيسترلىگى 8 ناۋرىز كۇنى ۇلتتىق زياتكەرلىك مەنشىك ينستيتۋتىنىنىڭ قىزمەتكەرلەرىنە ارنالعان ستريپتيز-شوۋ فاكتىسى بويىنشا تەكسەرۋدى باستادى، دەپ حابارلايدى "ادىرنا" ۇلتتىق پورتالى newtimes.kz-كە سىلتەمە جاساپ.
"كوردىم. تەكسەرىس جۇرگىزىلىپ جاتىر",-دەدى مۋسين دۇيسەنبى كۇنى ءماجىلىس كۋلۋارىندا ءجۋرناليستىڭ ۇلتتىق زياتكەرلىك مەنشىك ينستيتۋتىنىڭ قىزمەتكەرلەرىنە ارنالعان ستريپتيز-شوۋدىڭ بەينەجازباسىن كوردىڭىز مە دەگەن سۇراعىنا جاۋاپ بەرە وتىرىپ.
جۋرناليست ادىلەت مينيسترلىگىنە قاراستى مەكەمە قىزمەتكەرلەرىنە ارنالعان ستريپتيز-شوۋ وتكىزۋ فاكتىسى راستالدى ما، جوق پا دەگەن ماسەلەنى كوتەردى.
«تەكسەرۋ ءجۇرىپ جاتىر. ول اياقتالعان كەزدە ناتيجە بولادى»، - دەپ ۋادە بەردى ادىلەت ءمينيسترى.
ەستەرىڭىزگە سالا كەتەيىك، سەنبى كۇنى ءوزىن ۇلتتىق زياتكەرلىك مەنشىك ينستيتۋتىنىڭ جۇرگىزۋشىسىمىن دەپ تانىستىرعان بەلگىلى ءبىر مادەنياتوۆتىڭ قر ادىلەت ءمينيسترىنىڭ اتىنا ەش سەبەپسىز جۇمىستان كەتۋگە ماجبۇرلەۋ فاكتىسى بويىنشا شاعىمى جاريالانعان بولاتىن. شاعىم اۆتورى جۇمىستان تىس ۋاقىتتا، دەمالىس جانە مەرەكە كۇندەرىندە «بايلانىستا بولۋعا» ءماجبۇر بولعانىن، سونداي-اق ينستيتۋت ديرەكتورىنىڭ م.ا. ەستاەۆتىڭ جەكە سيپاتتاعى تاپسىرمالارىن ورىنداۋعا ماجبۇرلەيدى دەپ مالىمدەدى.
سونىمەن قاتار، مادەنياتوۆ ايەلدەر ۇجىمىن 8 ناۋرىزبەن قۇتتىقتاپ، ولارعا ارنالعان ستريپتيز-شوۋ ۇيىمداستىرۋعا رمك قىزمەتكەرلەرى 15 مىڭ تەڭگەدەن بەرۋگە ءماجبۇر بولعانىن ايتتى.
"ادىرنا" ۇلتتىق پورتالى
