Ádilet mınıstrligi 8 naýryz kúni Ulttyq zııatkerlik menshik ınstıtýtynynyń qyzmetkerlerine arnalǵan strıptız-shoý faktisi boıynsha tekserýdi bastady, dep habarlaıdy "Adyrna" ulttyq portaly newtimes.kz-ke silteme jasap.
"Kórdim. Tekseris júrgizilip jatyr",-dedi Mýsın dúısenbi kúni Májilis kýlýarynda jýrnalıstiń Ulttyq zııatkerlik menshik ınstıtýtynyń qyzmetkerlerine arnalǵan strıptız-shoýdyń beınejazbasyn kórdińiz me degen suraǵyna jaýap bere otyryp.
Jýrnalıst Ádilet mınıstrligine qarasty mekeme qyzmetkerlerine arnalǵan strıptız-shoý ótkizý faktisi rastaldy ma, joq pa degen máseleni kóterdi.
«Tekserý júrip jatyr. Ol aıaqtalǵan kezde nátıje bolady», - dep ýáde berdi Ádilet mınıstri.
Esterińizge sala keteıik, senbi kúni ózin Ulttyq zııatkerlik menshik ınstıtýtynyń júrgizýshisimin dep tanystyrǵan belgili bir Madenııatovtyń QR Ádilet mınıstriniń atyna esh sebepsiz jumystan ketýge májbúrleý faktisi boıynsha shaǵymy jarııalanǵan bolatyn. Shaǵym avtory jumystan tys ýaqytta, demalys jáne mereke kúnderinde «baılanysta bolýǵa» májbúr bolǵanyn, sondaı-aq Instıtýt dırektorynyń m.a. Estaevtyń jeke sıpattaǵy tapsyrmalaryn oryndaýǵa májbúrleıdi dep málimdedi.
Sonymen qatar, Madenııatov áıelder ujymyn 8 naýryzben quttyqtap, olarǵa arnalǵan strıptız-shoý uıymdastyrýǵa RMK qyzmetkerleri 15 myń teńgeden berýge májbúr bolǵanyn aıtty.
"Adyrna" ulttyq portaly
