ءبىز رەسەيدىڭ ءبولىنىپ كەتۋىن كوزىمىزبەن كورۋىمىز مۇمكىن. رەسەي وسى ۋاقىتقا دەيىن اقش پەن ەۋروپا ەلدەرىنىڭ سايلاۋلارىنا سان رەت كيبەر اتاكا جاساپ، تالاي رەت بەرەكەسىن كەتىرگەن. بۇدان كەيىن بۇل ارەكەتى دە جايىنا قالايىن دەپ تۇر.
رەسەيدىڭ اقپاراتتىق تەحنولوگيالار سالاسىنداعى ماماندارى اقش پەن ەۋروپاعا تەڭىزدەي تولقىپ، كەتىپ جاتىر. وسىعان دەيىن دە رەسەيدە قانشاما ماماندار ەلدەن قاشىپ كەتكەن. ولاردىڭ كەيبىرى اقش-قا بارىپ، الەم دەڭگەيىندە جەتىكتىككە جەتكەن.
نەبارى ءبىر ايدىڭ ىشىندە ەكونوميكاسى دەفولتقا كەتكەن رەسەي سىرتتاعى مەملەكەتتىك اكتيۆتەرىنەن ايىرىلىپ قالدى. ناتو ەلدەرىنىڭ جوسپارىندا رەسەيدىڭ سىرتقى اكتيۆتەرى سوعىس توقتاعاننان كەيىن ۋكراينانى قالپىنا كەلتىرۋ جۇمىستارىنا جۇمسالادى دەگەن جوسپار بار. رەسەيدى سوعىستان دا اۋىر ءبىر جاعداي كۇتىپ تۇر. ول سىرتقى قارىزدى قايتارۋ ماسەلەسى مەن قابات-قابات بەسىنشى رازريادتاعى سانكتسيالار. رەسەي سىرتقى قارىزىن قايتارا المايدى. سەبەبى، ىشكى توقىراۋ، بانكتەرىنىڭ ءبارى سانكتسياعا ءىلىنىپ، SWIFT جۇيەسىنەن شىعارىلىپ، باس كوتەرە الماي وتىر.
ءپۋتيننىڭ جالعان امبيتسياسى رەسەيدى تاعدىرىن شەشكەلى تۇر. رەسەيدىڭ ءبولىنىپ كەتۋىن كوزىمىزبەن كورۋىمىز مۇمكىن كوپ ۇزاماي.
