اركتيكادا ناتو-نىڭ ساياسي كونفرونتاتسياسى باستالدى
امەريكالىق Antiwar پورتالىنىڭ جەتەكشىسى ريك روزوفف اركتيكاداعى گەوساياسي تارتىس جايىندا ماقالا شىعاردى. وندا اقش-تىڭ ءوزىنىڭ ناتو-داعى ساياسي سەرىكتەستەرىمەن بىرگە كرەملگە قارسى كونفرونتاتسياسى باياندالعان.
اقش-تىڭ العا قويعان اركتيكاعا قاتىستى ستراتەگيالىق جوسپارىندا اركتيكا اۋماعى تالاس تۋدىرعان حالىقارالىق ايماققا جاتادى ءارى اقش-تىڭ، كانادانىڭ، دانيا مەن نورۆەگيانىڭ دا سۋۆەرەنيتەتىنە كىرەدى دەپ ايتىلعان. اقش الداعى ۋاقىتتا ءوزىنىڭ ستراتەگيالىق سەرىكتەستەرىمەن بىرگە اركتيكاداعى رەسەيدىڭ ىقپالىن توقتاتپاققا بەل بۋدى. رەسەي مەن قىتاي بۇل گەوساياسي تارتىستا تەك قانا قارسىلاس تاراپتار دەپ تانىلىپ وتىر. بۇل ويىندا اقش ناتو ەلدەرىمەن بىرگە پوتەنتسيالدى كونفليكتىنىڭ وتىن تۇتاتپاق. سەبەبى، بۇل ايماقتا پايدالى قازبالار تابۋمەن قاتار لوگيستيكالىق قىزمەتتەردى دە ىسكە قوسپاق. قوسىمشا اسكەري سوعىس تەحنيكالارى مەن بازالارىن دا جايعاستىرماق. اركتيكا ايماعى ناتو-نىڭ رەسەيدى اسكەري باقىلاۋعا الاتىن سولتۇستىك بۇرىشى بولعالى تۇر.
بۇل جوسپار 2000 جىلى قولعا الىنعان بولاتىن. اركتيكا اۋماعىنداعى رەسەيگە جاقىن تۇستا ناتو-نىڭ اسكەري دايىندىق جۇمىستارى دا ءجۇرىپ جاتىر. وندا سولتۇستىك اتلانتيكا اسكەري بلوگىنىڭ 250 اۆياتسيالىق ۇشاقتارى، 65 كورابلى بار دەگەن دەرەك رەسەي تاراپىنان ايتىلىپ، ۋشىققان اقپاراتتار شىعىپ جاتىر.
بەكبولات قارجان،
"ادىرنا" ۇلتتىق پورتالى
