لۋي ۆيۋتون، شانەل جانە ەرمە ساۋدا ماركالارىنىڭ كوشىرمەلەرى تاركىلەندى

1834

الماتىلىق سانقويلار ارزان برەندتىك كيىمدەردەن قاعىلدى. لۋي ۆيۋتون، شانەل جانە ەرمە سىندى  اتتارى الەمگە تانىمال ساۋدا ماركالارىنىڭ  بازارلاردى ساتىلىپ جاتقان كوشىرمەلەرى تاركىلەندى.

وسى ماركالارعا يەلىك ەتەتىن فرانتسيالىق كومپانيانىڭ ارىزى بويىنشا ساۋدا ورىندارىن تەكسەرۋگە شىققان ادىلەت باسقارماسىنداعىلار نەبارى 46 سومكەنى ساۋدادان الدىرتىپ تاستادى. بۇل تۋرالى كتك حابارلادى.

الەمگە تانىمال تاۋارلاردىڭ كوشىرمەلەرى بازار مەن ساۋدا ورتالىقتارىندا سامساپ تۇر. ولاردى تۇپنۇسقادان اجىراتۋ قيىن. الايدا، جاساندى تاۋارلاردى جاپپاي تاركىلەپ، كوزىن جويۋعا قۇزىرلى ورگاندار قاۋقارسىز. سەبەبى، تەكسەرىس جۇرگىزۋ ءۇشىن برەند وكىلدەرى شاعىم ءتۇسىرۋ كەرەك.

فرانتسيادان جەتكەن ارىزداردىڭ ءبىرى بويىنشا بۇگىن ادىلەت دەپارتامەنتى ايگىلى باراحولكا بازارىنداعى دۇكەندەردىڭ بىرىنە باس سۇقتى.  تەكسەرىس بارىسىندا كاسىپكەردەن جالپى سومماسى 215 مىڭ تگ بولاتىن ءۇش تانىمال تاۋار تاڭباسى بەينەلەنگەن 46  سومكە تاركىلەندى. تۇپنۇسقاسىنىڭ ءبىر داناسى مىڭداعان دوللاردان اساتىنى انىق. الايدا، بارلىق تاۋارىنان قاعىلعان ساۋداگەر «نەگە تەك مەنىڭ دۇكەنىمدى تەكسەرىپ جاتىر» دەپ اڭ-تاڭ. ايتۋىنشا، ناعىز برەندتىك زاتتى بازاردان ىزدەۋ اقىماقتىق.

«بارلىق بازاردان ماعان عانا كەلدى. ەندى زاڭدى بولعان سوڭ قارسىلىق بىلدىرمەيمىز. مەن كەلگەن ادامعا وريگينال ەمەس دەپ ەسكەرتەم. ارزان باعادا ساتامىن»،-دەدى كاسىپكەر مەرەيگۇل جۇماحان.

2017 جىلدىڭ وزىندە 3 ميلليوننان استام جالعان ءونىم تاركىلەنىپتى. دەگەنمەن، گۋچي، دولچە گابانا، شانەل، ەرمە جانە وزگە الەمدىك برەندتەردىڭ اتىن جامىلىپ تىگىلگەن كيىمدەر مەن تۇرمىستىق زاتتاردى ساۋداگەرلەر كورشى ەلدەردەن تاسىمالدايدى. كەيىن قولجەتىمدى باعاعا ساتادى.

«تانىمال ماركالاردىڭ  بەلگىسىمەن تاۋار ششىعارۋ ءۇشىن سول كومپانيادان رۇقسات قاعازىن الۋ كەرەك. بۇل تارتىپكە باعىنباعان شاعىن جانە ورتا بيزنەس وكىلدەرى 40,ءىرى كاسىپكەرلەر 50 ايلىق ەسەپتىك كورسەتكىش مولشەرىندە ايىپپۇل تولەيدى. بارلىق قۇزىرلى ورگاندار بىرىگىپ، بۇل ماسەلەنى شەشۋ كەرەك.سەبەبى، ولار ەلىمىزدىڭ تاۋار اينالىمىنا زيان كەلتىرەدى»،-دەيدى الماتى قالاسى ادىلەت دەپارتامەنتىنىڭ ءبولىم باسشىسى باقىتجان قۇلانتاەۆ.

بيلىك وكىلدەرى سىرتتان كەلەتىن جالعان ءونىمدى باقىلاۋعا قاۋقارسىز ەكەندەرىن جاسىرمادى. جىل باسىنان بەرى ارىز-شاعىم بويىنشا جۇمىس ىستەگەن ولار بازارلاردى تەكسەرۋگە شامالارى جەتىپ، ەكى كاسىپكەرگە 500 مىڭ كولەمىندە ايىپپۇل سالعان.

____________________________________________________________________________________________________________

ktk.kz

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket