قورعانىس ءمينيسترى داۋرەن قوسانوۆ قارۋلى كۇشتەردىڭ اسكەري باسقارۋ ورگاندارى مەن اسكەري بولىمدەرىنە جوسپارلى تەكسەرۋ جۇرگىزەدى، دەپ حابارلايدى «ادىرنا» ءتىلشىسى.
«وسىعان وراي 16–18 اقپان ارالىعىندا الماتى، قوناەۆ جانە تالدىقورعان قالالارىندا اسكەري تەحنيكانىڭ قوزعالىسى جۇزەگە اسىرىلادى. سوعان بايلانىستى اۆتوجولداردىڭ جەكەلەگەن ۋچاسكەلەرىندە قوزعالىسقا ۋاقىتشا شەكتەۋلەر ەنگىزىلۋى مۇمكىن»،-دەپ ءتۇسىندىردى مينيسترلىكتىڭ ءباسپاسوز قىزمەتى.
سونداي-اق ۆەدومستۆو قازاقستان رەسپۋبليكاسىنىڭ ازاماتتارىن، بۇقارالىق اقپارات قۇرالدارىنىڭ وكىلدەرىن جانە الەۋمەتتىك جەلى قولدانۋشىلارىن جالعان اقپاراتقا سەنبەۋگە جانە تەك رەسمي اقپارات كوزدەرىنە سۇيەنۋگە شاقىردى.
ۇقساس جاڭالىقتار
