Qazaqstanda ımporttyq ónimder 30-40%-ǵa qymbattap jatyr. Bul týraly Pinta, BAO jáne Bank jelileriniń ıesi Iýrıı Negodıýk Reseıge qarsy sankııalardyń Qazaqstan ekonomıkasyna áseri týraly jaǵdaıdy negizge ala otyra aıtty.
«Biz jaǵdaıdy áli sezgen joqpyz. Bir-eki aptadan keıin áserin sezinemiz. Qazirdiń ózinde ónimderdi jetkizýshilerden hat alyp jatyrmyz. Ónim 30-40%-ǵa qymbattap jatyr. Mysaly, losos balyǵyn 5,4 myń teńgege alatyn boldyq. Al qazir onyń quny 8 myń teńge. Iaǵnı, bul qazirdiń ózinde 20-30% ósimdi kórsetedi», - dedi Negodıýk QazTAG tilshisine bergen suhbatynda.
Onyń pikirinshe, baǵa budan da kóterile bermek.
Jetkizý tizbegindegi sankııalarǵa baılanysty rýbl baǵamynyń quldyraýy aıasynda restoratorlar reseılik jáne eýropalyq ónimderi bar taǵamdardy mázirden alyp tastaý nemese olardy qymbattatý týraly sheshim qabyldady. Óıtkeni, bul ónimderdi ózge ónimderimen almastyrý múmkin emes.
«Biz, árıne, mázirdegi baǵany 30%-ǵa kótere almaımyz. Áıtpese, birden kelýshilerdiń aǵynynan azaıtamyz. Óıtkeni jalaqy 30 paıyzǵa kóterilgen joq. Sondyqtan túpkilikti baǵalardy alǵannan keıin biz mázirdi qaıta qarap, baǵany jáne shyǵyndardy bir deńgeıde ustap turý úshin keıbir qymbat ónimderden bas tartýymyz múmkin », - deıdi restorator.
Qymbat ónimderder, ıaǵnı zátún maıy men parmezan irimshigi Eýropadan keledi. Al kókónister men jemister Ózbekstan, Qyrǵyzstan, Qytaıdan jetkizildi. Bul elderde baǵa áli kóterilgen joq. Restorator aıtýynsha, kókónis maýsymy eki aıdan keıin bastalady.
«Meniń oıymsha, eýropalyq jáne reseılik ónimderdi paıdalanatyn meıramhanalar zardap shegedi. Birinshisi – teńgeniń qunsyzdanýyna baılanysty. Máselen, meıramhanalar Reseı arqyly alatyn norvegııalyq losos balyǵyna qazir tyıym salynǵan. Logıstıkaǵa baılanysty onyń quny qymbattaýy múmkin. Alaıda bul ónimdi mázirden azaıtamyz nemese basqa balyqpen aýystyramyz», - dep túsindirdi restorator.
Onyń pikirinshe, Qazaqstandaǵy eýropalyq ónimder teńgeniń qunsyzdanýy deńgeıinde qymbattaıdy. Teńge 15 %-ǵa arzandady, ıaǵnı irimshik 15 %-ǵa qymbattaıdy degen sóz.
"Adyrna" ulttyq portaly
