ەۋرازيالىق ەكونوميكالىق وداق اياسىندا بىرىڭعاي جانار-جاعارماي نارىعىن ىسكە قوسۋ مەرزىمى 2030 جىلعا شەگەرىلدى، دەپ حابارلايدى "ادىرنا".
بۇل تۋرالى قازاقستان ۇلتتىق ەكونوميكا مينيسترلىگى ازىرلەگەن سالىق كودەكسىنە وزگەرىستەر ەنگىزۋ تۋرالى زاڭ جوباسىندا كورسەتىلگەن.
قۇجاتتاعى مۇناي ونىمدەرىنە قاتىستى بىرنەشە باپتىڭ تۇسىندىرمەسىندە ەاەو-نىڭ بىرىڭعاي نارىعىن ىسكە قوسۋ 2030 جىلعا اۋىستىرىلعانى جازىلعان.
قازاقستان ەنەرگەتيكا مينيسترلىگى مەرزىمنىڭ وزگەرگەنىن راستادى. ۆەدومستۆونىڭ مالىمەتىنشە، جاڭا مەرزىم قازاقستان رەسپۋبليكاسىندا 2027–2031 جىلدارى باسەكەلەستىكتى قورعاۋ جانە دامىتۋ تۇجىرىمداماسىنىڭ جوباسىندا كورسەتىلگەن. بۇل شەشىم ەاەو دەڭگەيىندە قابىلدانعان.
بۇعان دەيىن بىرىڭعاي وتىن نارىعىن ىسكە قوسۋ بىرنەشە رەت كەيىنگە شەگەرىلگەن. العاشقى جوسپار بويىنشا قازاقستان مەن رەسەيدەگى بەنزين مەن ديزەل وتىنىنىڭ باعاسىن ءبىر دەڭگەيگە كەلتىرۋ كوزدەلگەن.
كەيىن نارىقتى بىرىكتىرۋ مەرزىمى 2025 جىلعا بەلگىلەنگەن. ودان سوڭ بىرىڭعاي نارىقتى 2027 جىلعى 1 قاڭتاردان باستاپ ىسكە قوسۋ جوسپارلانعان ەدى.
ەندى ەاەو-نىڭ بىرىڭعاي جانار-جاعارماي نارىعىن ىسكە قوسۋ مەرزىمى تاعى دا وزگەرىپ، 2030 جىلعا اۋىستىرىلدى.
"ناعىز تاربيە" - شىمكەنتتىك وقۋشى اناسى تۇسكى اسقا دەپ بەرگەن اقشاعا ماكارون الىپ، تۇركياعا جونەلتتى
