قازاقستاندا جاپپاي قىزىلشا اۋرۋى ءجۇرىپ جاتقاندا ەكپە الماعان بالالار نەگە قاشىقتان وقىتۋعا كوشىرىلمەيتىنىنە مينيستر جاۋاپ بەردى، دەپ حابارلايدى "ادىرنا" پورتالى.
"بۇل جەردە ادام قۇقىعى ماڭىزدى، سوندىقتان ءبىز ءوز تاراپىمىزدان ءتۇسىندىرۋ جۇمىستارىن جۇرگىزىپ جاتىرمىز. ەكپە الماعان بالالاردى، ونىڭ ىشىندە مەديتسينالىق جەڭىلدىكتەرى بار بالالاردى تاعى دا دارىگەرلەر تەكسەرەدى. ەگەر تۇراقتى مەديتسينالىق جەڭىلدىكتەر بولسا، ءبىز بۇل بالالاردى قورعايمىز، ولارعا ەكپە سالىنبايدى، باس تارتقاندارعا ءتۇسىندىرۋ جۇمىستارى جۇرگىزىلۋدە»، - دەدى مينيستر ورتالىق كوممۋنيكاتسيالار قىزمەتىنىڭ بريفينگىندە دەنساۋلىق ساقتاۋ ءمينيسترى اجار عينيات.
بۇعان دەيىن اجار عينيات قىزىلشا مەن باسقا دا جۇقپالى اۋرۋلارعا قارسى ۆاكتسيناتسيانى بارلىق قازاقستاندىقتار ءۇشىن مىندەتتى ەتۋدى جوسپارلاپ وتىر ما، جوق پا دەگەن ساۋالعا جاۋاپ بەرگەن بولاتىن. ول ماسەلە بالالارعا قاتىستى بولسا، اتا-انانىڭ كەلىسىمىن الۋ كەرەكتىگىن باسا ايتتى. ەگەر ولار ۆاكتسيناتسيادان باس تارتسا، بارلىق جاۋاپكەرشىلىك تەك سولاردا بولادى.
