گيگانت-سلالوم جارىسى – حالىقارالىق FIS ەرەجەسى جانە حالىقارالىق SCIJ كلۋبىنىڭ ىشكى رەگلامەنتى بويىنشا وتكىزىلەتىن مارتەبەلى سايىس بولىپ تابىلادى. 2013 جىلدان بەرى اتالعان كلۋبقا قازاقستاننىڭ شاڭعىشى-جۋرناليستەرى دە مۇشە بولىپ تابىلادى.
قازاقستان كلۋبى بۇل جارىستى وسىمەن ءۇشىنشى رەت وتكىزىپ وتىر. سايىس سپورتتى سەرىك ەتكەن وتاندىق جۋرناليستەر ءۇشىن ناعىز مەرەكەگە اينالدى. جارىستا ەلىمىزدەگى اسا ءىرى 15 اقپارات قۇرالىنىڭ وكىلدەرى باق سىنادى. ولاردىڭ اراسىندا «ۆرەميا»، «تەنگرينيۋس»، «ادىرنا»، «Jas qazaq»، «ليتەر» ، «مك ۆ كازاحستانە»، Prosports.kz, Vesti.kz, كتك تەلەارناسى جانە وزگە دە مەرزىمدى باسىلىمدار مەن ينتەرنەت سايتتارى بار.
International Ski Club of Journalists – شاڭعىشى-جۋرناليستەردىڭ حالىقارالىق بەدەلدى كلۋبى. 1951 جىلى قۇرىلعان بۇل كلۋب الەمنىڭ 42 مەملەكەتىندەگى جۋرناليستەردىڭ باسىن بىرىكتىرەدى. ونىڭ نەگىزىن كۋرشەۆەلدەن شىققان تاۋ شاڭعىشىسى جيل دە ليا روكك قالاعان. ول «قىرعي قاباق سوعىس» ءورشىپ تۇرعاندا باتىس پەن شىعىستى جاقىنداستىرۋ ماقساتىمەن وسى جارىستى ۇيىمداستىرۋ جونىندە باستاما كوتەردى. جۋرناليستەردىڭ ەڭ العاشقى باسقوسۋى 1955 جىلى فرانتسۋزدىڭ مەريبەل تاۋ شاڭعىسى ورتالىعىندا ءوتتى. سودان بەرى الەمنىڭ 70-كە جۋىق شاڭعى كۋرورتىندا SCIJ كلۋبى اياسىندا كەزدەسۋ وتكىزىلىپ كەلەدى.
كلۋبتىڭ جىل سايىنعى كەزدەسۋلەرى ەۋروپا، ازيا، سولتۇستىك جانە وڭتۇستىك امەريكانىڭ ەڭ ۇزدىك شاڭعى كۋرورتتارىندا وتكىزىلدى.
تاۋ شاڭعىسى جانە جازىقتا شاڭعىمەن جۇگىرۋ ((اlpine ski & Nordic ski) بويىنشا وتكىزىلەتىن بەيرەسمي الەم چەمپيوناتىنا ادەتتە دۇنيەجۇزىنىڭ ءتۇرلى ەلدەرىنەن 200-گە جۋىق جۋرناليست قاتىسادى. ولار جارىس وتكىزىلگەن شاڭعى كۋرورتى مەن سول ەلدىڭ تۋريزم مۇمكىندىكتەرى تۋرالى وزدەرى قىزمەت ەتەتىن اقپارات قۇرالىندا ماقالا جازادى نەمەسە تۆ سيۋجەت جاسايدى. 2021 جىلعى جەلتوقساندا حالىقارالىق كلۋبتىڭ كەزەكتى كەزدەسۋى الماتىدا ءوتۋى ءتيىس ەدى. بىراق پاندەمياعا بويىنشا بۇكىل الەمدە قالىپتاسقان جايسىز احۋالعا بايلانىستى حالىقارالىق SCIJ كلۋبى كەزدەسۋدى كەيىنگى شەگەردى. سوعان قاراماستان، وتاندىق كلۋب مۇشەلەرى جاتتىعۋدى جالعاستىرىپ، شەبەرلىگىن شىڭداپ جاتىر. بۇگىنگى ءدۇبىرلى دودا سونىڭ جارقىن كورىنىسى.
قازاقستاندا شاڭعىشى-جۋرناليستەر كلۋبى 2012 جىلى قۇرىلدى. ال 2013 جىلى حالىقارالىق كلۋبقا رەسمي تۇردە قابىلداندى. سودان بەرى ءتۇرلى ەلدەردە وتكەن جارىستارعا قاتىسىپ ءجۇر. ون جىلدىڭ ىشىندە كلۋب مۇشەلدەرىنىڭ سانى 5-تەن 32 ادامعا دەيىن كوبەيدى. ايتا كەتكەن ءجون، كوپتەگەن جۋرناليستەر ناق وسى SCIJ قازاقستا كلۋبىنىڭ ارقاسىندا شاڭعى تەبۋدى ۇيرەندى.
حالىقارالىق SCIJ كلۋبىنىڭ باستى قاعيدالارىنىڭ ءبىرى – تاۋ شاڭعىسى سپورتى مەن سالاۋاتتى ءومىر سالتىن ناسيحاتتاۋ. مارتەبەلى مۇراتقا جەتۋگە Shymbulak تكش ولشەۋسىز ۇلەس قوسىپ كەلەدى. شاڭعى كۋرورتى جۋرناليستەردىڭ تۇراقتى تۇردە شاڭعى تەبۋىنە مۇمكىندىك تۋعىزىپ قانا قويماي، سىرعاناۋدى ەندى ۇيرەنىپ جۇرگەندەرگە تاجىريبەلى مامانداردىڭ كومەگىن ۇسىنادى.
SCIJ قازاقستان كلۋبىنىڭ بيىلعى جارىستاعى سەركتەسى ەurasian Bank جەڭىمپازدار مەن جۇلدەگەرلەردى ماراپاتتاۋعا ءتۇرلى سىيلىقتار ۇسىندى.
جارىس جەڭىمپازدارى:
سلالوم-گيگانت. ەرلەر:
اندرەي كۋكۋشكين
پاۆەل ميحەەۆ
ۆلاديمير پروكوپەنكو
سلالوم-گيگانت. ايەلدەر:
1.تاتيانا نيكولاەۆا
اناستاسيا ناۋمەتسكايا
يرينا باجەنوۆا
جەڭىمپازداردى قۇتتىقتايمىز!
