Gıgant-slalom jarysy – halyqaralyq FIS erejesi jáne Halyqaralyq SCIJ klýbynyń ishki reglamenti boıynsha ótkiziletin mártebeli saıys bolyp tabylady. 2013 jyldan beri atalǵan Klýbqa Qazaqstannyń shańǵyshy-jýrnalısteri de múshe bolyp tabylady.
Qazaqstan klýby bul jarysty osymen úshinshi ret ótkizip otyr. Saıys sportty serik etken otandyq jýrnalıster úshin naǵyz merekege aınaldy. Jarysta elimizdegi asa iri 15 aqparat quralynyń ókilderi baq synady. Olardyń arasynda «Vremıa», «Tengrınıýs», «Adyrna», «Jas qazaq», «Lıter» , «MK v Kazahstane», Prosports.kz, Vesti.kz, KTK telearnasy jáne ózge de merzimdi basylymdar men ınternet saıttary bar.
International Ski Club of Journalists – shańǵyshy-jýrnalısterdiń halyqaralyq bedeldi klýby. 1951 jyly qurylǵan bul klýb álemniń 42 memleketindegi jýrnalısterdiń basyn biriktiredi. Onyń negizin Kýrshevelden shyqqan taý shańǵyshysy Jıl de Lıa Rokk qalaǵan. Ol «qyrǵı qabaq soǵys» órship turǵanda Batys pen Shyǵysty jaqyndastyrý maqsatymen osy jarysty uıymdastyrý jóninde bastama kóterdi. Jýrnalısterdiń eń alǵashqy basqosýy 1955 jyly franýzdyń Merıbel taý shańǵysy ortalyǵynda ótti. Sodan beri álemniń 70-ke jýyq shańǵy kýrortynda SCIJ klýby aıasynda kezdesý ótkizilip keledi.
Klýbtyń jyl saıynǵy kezdesýleri Eýropa, Azııa, Soltústik jáne Ońtústik Amerıkanyń eń úzdik shańǵy kýrorttarynda ótkizildi.
Taý shańǵysy jáne jazyqta shańǵymen júgirý ((Alpine ski & Nordic ski) boıynsha ótkiziletin beıresmı álem chempıonatyna ádette dúnıejúziniń túrli elderinen 200-ge jýyq jýrnalıst qatysady. Olar jarys ótkizilgen shańǵy kýrorty men sol eldiń týrızm múmkindikteri týraly ózderi qyzmet etetin aqparat quralynda maqala jazady nemese TV sıýjet jasaıdy. 2021 jylǵy jeltoqsanda halyqaralyq klýbtyń kezekti kezdesýi Almatyda ótýi tıis edi. Biraq pandemııaǵa boıynsha búkil álemde qalyptasqan jaısyz ahýalǵa baılanysty Halyqaralyq SCIJ klýby kezdesýdi keıingi shegerdi. Soǵan qaramastan, otandyq klýb músheleri jattyǵýdy jalǵastyryp, sheberligin shyńdap jatyr. Búgingi dúbirli doda sonyń jarqyn kórinisi.
Qazaqstanda shańǵyshy-jýrnalıster klýby 2012 jyly quryldy. Al 2013 jyly Halyqaralyq klýbqa resmı túrde qabyldandy. Sodan beri túrli elderde ótken jarystarǵa qatysyp júr. On jyldyń ishinde Klýb múshelderiniń sany 5-ten 32 adamǵa deıin kóbeıdi. Aıta ketken jón, kóptegen jýrnalıster naq osy SCIJ Qazaqsta klýbynyń arqasynda shańǵy tebýdi úırendi.
Halyqaralyq SCIJ klýbynyń basty qaǵıdalarynyń biri – taý shańǵysy sporty men salaýatty ómir saltyn nasıhattaý. Mártebeli muratqa jetýge Shymbulak TKSh ólsheýsiz úles qosyp keledi. Shańǵy kýrorty jýrnalısterdiń turaqty túrde shańǵy tebýine múmkindik týǵyzyp qana qoımaı, syrǵanaýdy endi úırenip júrgenderge tájirıbeli mamandardyń kómegin usynady.
SCIJ Qazaqstan klýbynyń bıylǵy jarystaǵy serktesi Eurasian Bank jeńimpazdar men júldegerlerdi marapattaýǵa túrli syılyqtar usyndy.
Jarys jeńimpazdary:
Slalom-gıgant. Erler:
Andreı Kýkýshkın
Pavel Mıheev
Vladımır Prokopenko
Slalom-gıgant. Áıelder:
1.Tatıana Nıkolaeva
Anastasııa Naýmekaıa
Irına Bajenova
Jeńimpazdardy quttyqtaımyz!
