بۇگىن شىمكەنت قالاسىنىڭ اكىمى م.ايتەنوۆ قالالىق جايلى ورتانى دامىتۋ باسقارماسىنىڭ وسى جىلى اتقارىلار جوبالارىمەن تانىستى. وتكەن جىلدىڭ ەسەبىن الىپ، كەمشىلىكتەر بويىنشا بىرقاتار تاپسىرمالار بەردى.
باسقارما باسشىسىنىڭ مالىمەتىنشە، جاسىل بەلدەۋگە - 1 267 500 دانا، كوشە بويىنا – 50 دانا، ساياباقتار مەن گۇلزارلارعا – 4 مىڭ دانا، ا.اسقاروۆ اتىنداعى دەندروساياباققا – 15 مىڭ دانا اعاش وتىرعىزۋ جوسپارلانۋدا. ەرەكشە قورعاۋداعى قوشقار اتا اۋماعىن قايتا قالىپقا كەلتىرۋگە جانە دەنروساياباق اۋماعىن اۆتو سۋارۋ جۇيەسىن ورناتۋعا جوبالىق-سمەتالىق قۇجاتتار ازىرلەنەتىن بولادى. ودان بولەك، دەندرولوگيالىق ساياباق اۋماعىن قورشاپ، ماكەت پەن تولقۇجات جاڭارتىلادى.
تۇرعىنداردىڭ جايلىلىعى، قالا كوركى ءۇشىن 7 گۇلزار سالۋ جوسپارلاندى: تومەنگى وتىرار ش/ا، سىرا زاۋىتىنىڭ الدى، نۇرسات ش/ا №205 جانە 217-218 كوپ قاباتتى تۇرعىن ءۇي ماڭىندا، مجك ەسىل مەن كامال كوشەلەرىنىڭ ارالىعى، قالا كىرەبەرىسىندەگى «كىلت» اۋماعى، تەرىسكەي ش/ا اربات سالۋ.
م.ايتەنوۆ قالانىڭ ەكولوگيالىق ماسەلەلەرىن كەشەندى شەشۋ بويىنشا جوسپارلى تۇردە جۇمىستار اتقارۋدى، رۇقسات ەتىلمەگەن قوقىس تاستايتىن ورىنداردى جويۋدى تاپسىردى. قالدىقتاردى كادەگە جاراتۋ ءۇشىن، بولەك جيناۋ ءتارتىبىن ەنگىزۋ قاجەتتىگىن، ەگىلگەن اعاشتارعا كۇتىم مەن قورعاۋ شارالارىن جۇرگىزۋدى جۇكتەدى.
شىمكەنت قالاسى اكىمدىگىنىڭ ءباسپاسوز قىزمەتى
