Shymkentte bıyl 7 gúlzar salynady

1757
Adyrna.kz Telegram

Búgin Shymkent qalasynyń ákimi M.Áıtenov qalalyq jaıly ortany damytý basqarmasynyń osy jyly atqarylar jobalarymen tanysty. Ótken jyldyń esebin alyp, kemshilikter boıynsha birqatar tapsyrmalar berdi.

Basqarma basshysynyń málimetinshe, jasyl beldeýge - 1 267 500 dana, kóshe boıyna – 50 dana, saıabaqtar men gúlzarlarǵa – 4 myń dana, A.Asqarov atyndaǵy dendrosaıabaqqa – 15 myń dana aǵash otyrǵyzý josparlanýda. erekshe qorǵaýdaǵy Qoshqar ata aýmaǵyn qaıta qalypqa keltirýge jáne denrosaıabaq aýmaǵyn avto sýarý júıesin ornatýǵa jobalyq-smetalyq qujattar ázirlenetin bolady. Odan bólek, dendrologııalyq saıabaq aýmaǵyn qorshap, maket pen tólqujat jańartylady.

Turǵyndardyń jaılylyǵy, qala kórki úshin 7 gúlzar salý josparlandy: Tómengi Otyrar sh/a, Syra zaýytynyń aldy, Nursat sh/a №205 jáne 217-218 kóp qabatty turǵyn úı mańynda, MJK Esil men Kamal kósheleriniń aralyǵy, qala kireberisindegi «Kilt» aýmaǵy, Teriskeı sh/a arbat salý.

M.Áıtenov qalanyń ekologııalyq máselelerin keshendi sheshý boıynsha josparly túrde jumystar atqarýdy, ruqsat etilmegen qoqys tastaıtyn oryndardy joıýdy tapsyrdy. Qaldyqtardy kádege jaratý úshin, bólek jınaý tártibin engizý qajettigin, egilgen aǵashtarǵa kútim men qorǵaý sharalaryn júrgizýdi júktedi.

Shymkent qalasy ákimdiginiń baspasóz qyzmeti

Pikirler