ولەگ چۋگۋنكوۆ سەمەيلىك 2 دەپۋتاتتىڭ نەلىكتەن ءوز مىندەتتەرىنەن «باس تارتقانى» تۋرالى ايتتى

2098
Adyrna.kz Telegram

«Nur Otan» پارتياسى شىعىس قازاقستان وبلىستىق فيليالى توراعاسىنىڭ ءبىرىنشى ورىنباسارى ولەگ چۋگۋنكوۆ الەۋمەتتىك جەلىدە تارالعان ەكى دەپۋتاتتىڭ مالىمدەمەسىنە قاتىستى پىكىر ءبىلدىردى.

ەستەرىڭىزگە سالساق، كەشە سەمەي قالالىق ءماسليحاتىنىڭ ەكى دەپۋتاتى ايدوس قيسامەنوۆ پەن دۋلات قاجمۇحانبەت «Nur Otan» پارتياسىنان شىعاتىنىن جانە دەپۋتاتتىق وكىلەتتىكتەرىن توقتاتقانىن جاريالاعان بولاتىن.

ولەگ چۋگۋنكوۆتىڭ ايتۋىنشا، دابىل قاعاتىنداي، جاھاندىق قۇبىلىستار ورىن الىپ جاتقان جوق. ول ساياسي پارتيا – ورتاق ساياسي ماقساتتار مەن ۇستانىمدار نەگىزىندە قۇرىلعان ازاماتتاردىڭ ەرىكتى بىرلەستىگى ەكەنىن ەسكە سالدى.

«وزدەرىڭىزگە بەلگىلى، كەلەسى ايدان باستاپ ءبىز جاريا فورماتتا پارتيامىزدىڭ اتىنان دەپۋتاتتاردىڭ قوعامدىق رەيتينگىن قالىپتاستىرۋ ءۇشىن ونلاين پلاتفورمانى ىسكە قوسامىز. بۇل رەيتينگ ءماسليحاتتار دەپۋتاتتارىن حالىقپەن نەعۇرلىم ءتيىمدى جانە تۇراقتى ءوزارا ءىس-قيمىل جاساۋعا ىنتالاندىرۋ جانە سايلاۋ الدىنداعى باعدارلامالاردى ىسكە اسىرۋ ءۇشىن ولاردىڭ دەربەس جاۋاپكەرشىلىگىن ارتتىرۋ ماقساتىندا قۇرىلادى. مۇمكىن، ءبىزدىڭ بۇرىنعى ارىپتەستەرىمىز سوندىقتاندا الدىن الا شۋلاپ، ءوز مىندەتتەمەلەرىنەن «بوساتۋدى» شەشكەن شىعار», - دەگەن قورىتىندىعا كەلەدى «Nur Otan» پارتياسى شىعىس قازاقستان وبلىستىق فيليالى توراعاسىنىڭ ءبىرىنشى ورىنباسارى.

سونىمەن قاتار، ول «Nur Otan» باسقارۋشى پارتيا رەتىندە ەلدەگى جاعداي ءۇشىن جاۋاپكەرشىلىك جۇگىن ءبىرىنشى جىل كوتەرىپ وتىرعان جوق، دەيدى. چۋگۋنكوۆ قازاقستان حالقىنا قىزمەت ەتۋ مۇددەسىندە ءوزىمىزدىڭ تيىمدىلىگىمىز بەن مۇمكىندىكتەرىمىزدى ارتتىرۋ ءۇشىن جاڭعىرتۋ ۇدەرىسىندە ەكەنىن تىلگە تيەك ەتەدى.

شىعىس قازاقستان وبلىستىق فيليالى توراعاسىنىڭ ءبىرىنشى ورىنباسارى بيلەۋشى ساياسي كۇش ارقاشان ەلدىڭ بارلىق پروبلەمالارى ءۇشىن جاۋاپ بەرەتىنىن دە جازدى. ونىڭ پىكىرىنشە، ەلدەگى كوپتەگەن وڭ ساياسي، الەۋمەتتىك-ەكونوميكالىق پروتسەستەردىڭ ارتىندا پارتيا مۇشەلەرىنىڭ - ءوز ىستەرىمەن مويىنداۋعا يە بولعان قامقور، جىگەرلى، بەلسەندى ادامداردىڭ جۇمىسى تۇر.

«بۇل پارتيا قاتارىن «پارتيادا ءوزىن جاقسى كورەتىن»، بىراق ءوزىن ونىڭ ءبىر بولىگى رەتىندە سەزىنبەيتىن كەز-كەلگەن كەزدەيسوق تۇلعالاردان جۇيەلى تازارتۋدى قامتيدى. وسىمەن ءبىز جىل سايىن اينالىسامىز. سونىمەن قاتار، پارتياعا دا بەلسەندى تۇردە كىرەتىندەرىن ايتۋ كەرەك. تەك قازىر مەندە «Nur Otan» قاتارىنا كىرۋ نيەتى 200–دەن استام ادامنىڭ وتىنىشتەرى جاتىر. بىرنەشە ادام كەتسەدە - بۇل ەشقانداي ماسەلەنى وزگەرتپەيدى. مەن جەلىدە 2005 جىلى پارتيا قاتارىنان بىرنەشە ونداعان ادامدى الىپ، ءبىر قوعام قايراتكەرى شىققانىن وقىدىم. سودان بەرى ءبىزدىڭ پارتيا ساياسي كونيۋنكتۋرالاردان ارىلىپ، تەك كۇشەيە ءتۇستى. سوندىقتان مۇنى پارتيانىڭ ءوزىن-ءوزى تازارتۋ اكتىسى رەتىندە قاراڭىز»، - دەپ اتاپ وتەدى چۋگۋنكوۆ.

ونىڭ پىكىرىنشە، «Nur Otan» باسەكەلەستىك كۇرەس ارقىلى كوشباسشى پارتيا، حالىقتىق وكىلدىك پارتياسى جانە پارلامەنتتىك كوپشىلىك بولىپ تابىلاتىنىن دالەلدەدى. پارتيا الدىندا كوپ جۇمىس پەن مىندەت تۇر. پارتيا وكىلى مەملەكەت باسشىسى جاريالاعان رەفورمالاردى ساپالى جۇزەگە اسىرۋ ءۇشىن پارتيا تەك نىعايا تۇسەتىنىنە سەنىمدى ەكەنىن جەتكىزدى.

"ادىرنا" ۇلتتىق پورتالى

 

پىكىرلەر