Oleg Chýgýnkov Semeılik 2 depýtattyń nelikten óz mindetterinen «bas tartqany» týraly aıtty

2100
Adyrna.kz Telegram

«Nur Otan» partııasy Shyǵys Qazaqstan oblystyq fılıaly tóraǵasynyń birinshi orynbasary Oleg Chýgýnkov áleýmettik jelide taralǵan eki depýtattyń málimdemesine qatysty pikir bildirdi.

Esterińizge salsaq, keshe Semeı qalalyq máslıhatynyń eki depýtaty Aıdos Qısamenov pen Dýlat Qajmuhanbet «Nur Otan» partııasynan shyǵatynyn jáne depýtattyq ókilettikterin toqtatqanyn jarııalaǵan bolatyn.

Oleg Chýgýnkovtyń aıtýynsha, dabyl qaǵatyndaı, jahandyq qubylystar oryn alyp jatqan joq. Ol saıası partııa – ortaq saıası maqsattar men ustanymdar negizinde qurylǵan azamattardyń erikti birlestigi ekenin eske saldy.

«Ózderińizge belgili, kelesi aıdan bastap biz jarııa formatta partııamyzdyń atynan depýtattardyń qoǵamdyq reıtıngin qalyptastyrý úshin onlaın platformany iske qosamyz. Bul reıtıng máslıhattar depýtattaryn Halyqpen neǵurlym tıimdi jáne turaqty ózara is-qımyl jasaýǵa yntalandyrý jáne saılaý aldyndaǵy baǵdarlamalardy iske asyrý úshin olardyń derbes jaýapkershiligin arttyrý maqsatynda qurylady. Múmkin, bizdiń burynǵy áriptesterimiz sondyqtanda aldyn ala shýlap, óz mindettemelerinen «bosatýdy» sheshken shyǵar», - degen qorytyndyǵa keledi «Nur Otan» partııasy Shyǵys Qazaqstan oblystyq fılıaly tóraǵasynyń birinshi orynbasary.

Sonymen qatar, ol «Nur Otan» basqarýshy partııa retinde eldegi jaǵdaı úshin jaýapkershilik júgin birinshi jyl kóterip otyrǵan joq, deıdi. Chýgýnkov Qazaqstan halqyna qyzmet etý múddesinde ózimizdiń tıimdiligimiz ben múmkindikterimizdi arttyrý úshin jańǵyrtý úderisinde ekenin tilge tıek etedi.

Shyǵys Qazaqstan oblystyq fılıaly tóraǵasynyń birinshi orynbasary bıleýshi saıası kúsh árqashan eldiń barlyq problemalary úshin jaýap beretinin de jazdy. Onyń pikirinshe, eldegi kóptegen oń saıası, áleýmettik-ekonomıkalyq proesterdiń artynda partııa músheleriniń - óz isterimen moıyndaýǵa ıe bolǵan qamqor, jigerli, belsendi adamdardyń jumysy tur.

«Bul partııa qataryn «partııada ózin jaqsy kóretin», biraq ózin onyń bir bóligi retinde sezinbeıtin kez-kelgen kezdeısoq tulǵalardan júıeli tazartýdy qamtıdy. Osymen biz jyl saıyn aınalysamyz. Sonymen qatar, partııaǵa da belsendi túrde kiretinderin aıtý kerek. Tek qazir mende «Nur Otan» qataryna kirý nıeti 200–den astam adamnyń ótinishteri jatyr. Birneshe adam ketsede - bul eshqandaı máseleni ózgertpeıdi. Men jelide 2005 jyly partııa qatarynan birneshe ondaǵan adamdy alyp, bir qoǵam qaıratkeri shyqqanyn oqydym. Sodan beri bizdiń partııa Saıası konıýnktýralardan arylyp, tek kúsheıe tústi. Sondyqtan muny partııanyń ózin-ózi tazartý aktisi retinde qarańyz», - dep atap ótedi Chýgýnkov.

Onyń pikirinshe, «Nur Otan» básekelestik kúres arqyly kóshbasshy partııa, halyqtyq ókildik partııasy jáne parlamenttik kópshilik bolyp tabylatynyn dáleldedi. Partııa aldynda kóp jumys pen mindet tur. Partııa ókili memleket basshysy jarııalaǵan reformalardy sapaly júzege asyrý úshin partııa tek nyǵaıa túsetinine senimdi ekenin jetkizdi.

"Adyrna" ulttyq portaly

 

Pikirler