زەينەپ احمەتوۆا: باۋىرجان مومىشۇلى 4 كۇن بويى جەرلەنبەي جاتىپ قالعان

4060

باۋىرجان مومىشۇلى 4 كۇن بويى جەرلەنبەي جاتىپ قالعان. بۇل تۋرالى باتىردىڭ كەلىنى، جازۋشى زەينەپ احمەتوۆا “زەينەپ اپانىڭ اڭگىمەلەرى” باعدارلاماسىندا ايتىپ بەردى، دەپ حابارلايدى «ادىرنا» ءتىلشىسى Caravan.kz مەديا پورتالىنا سىلتەمە جاساپ.

“قازاقستاننىڭ رەسەيگە ءوز ەركىمەن قوسىلعانىنىڭ 250 جىلدىعى ءوتىپ جاتقان كەزدە اتام قايتىس بولدى. قوسىلساڭدار قوسىلىڭدار، مەن كەتتىم دەگەندەي.. سونىمەنەن اتامىز 4 كۇن  جەرلەنبەي جاتىپ قالدى. ويتكەنى، تويدىڭ كەزى بولاتىن. 250 جىلدىق وتكەن كۇننىڭ ەرتەسىنە رسفسر ادەبيەتى مەن مادەنيەتى كۇندەرى باستالدى. بۇكىل ورىستار كوشىپ كەلدى، اتاقتىلارىنىڭ ءبارى الماتىعا كەلدى. سونداي كەزدە اتانى شىعارىپ سالا المادى. ويتكەنى، حالىق كەلەدى، جينالادى. قۇداي باسقا سالماسىن، ءالى كۇنگە دەيىن ويلاسام، جۇرەگىم سىزداپ كەتەدى”، – دەدى زەينەپ احمەتوۆا.

ء“بىزدى ارالاستىرمايدى، بىزگە رۇقسات ەتپەيدى. ول سوۆەت وداعىنىڭ كەزى. قازىر بولسا ءاي، كەت ارى دەيمىز عوي. ال ول كەزدە ويتە المايسىڭ. ءسويتىپ ءتورتىنشى كۇنى عانا اتا جەرلەندى. ءبىرىنشى كەڭساي دەپ اتالاتىن جەردە جوعارى جاعىنا توبەگە اتا جالعىز قويىلدى”،- دەدى جازۋشى.

ال جەرلەنگەن كۇنى الماتىنىڭ اۋا رايى دا توسىن مىنەز تانىتىپتى.

“جەرلەيتىن كەزدە اسكەري ادام بولعان سوڭ سولداتتار اسپانعا وق اتتى. ءۇش مارتە. سوسىن اتانى جەرگە تۇسىرەتىن كەزدە اسپاندى اياق استى قارا بۇل تورلاپ، نايزاعاي ويناپ جاۋىن جاۋدى دە كەتتى. بىرەۋلەر بۇل وق اتقاننان بولدى دەيدى. ال مەنىڭشە بۇل تابيعاتىڭ ءبىر تىلسىم كۇشى ما، اللا تاعالانىڭ اتانى وسىنشا كۇن جاتقىزىپ قورلاعانىنا كەيىگەنى ما، رەنجىگەنى ما ءتۇسىنۋ قيىن”،- دەدى زەينەپ احمەتوۆا.

ەستەرىڭىزگە سالا كەتەيىك، باۋىرجان مومىشۇلى 1982 جىلدىڭ 10 ماۋسىمىندا 71 جاسىندا ومىردەن وتكەن بولاتىن.

«ادىرنا» ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket