قازاقستاندىق تانىمال سپورتشى، مما فايتەرى، ارالاس جەكپە-جەك شەبەرى قۋات حاميتوۆ قر پرەزيدەنتى قاسىم-جومارت توقاەۆ پەن ءىىم ءمينيسترى ەرلان تۇرعىمباەۆقا ۆيدەو ۇندەۋ جولدادى، دەپ حابارلايدى "ادىرنا" ۇلتتىق پورتالى.
ول مەملەكەت باسشىسىن ەلىمىزدە ورىن الىپ جاتقان بەيبەرەكەتسىزدىكتى دەرەۋ توقتاتۋعا شاقىردى.
- ناقتىراق ايتساق، كومەندانتتىق ساعات پەن تەرروريزمگە قارسى كۇرەستى توقتاتۋعا شاقىرامىن. سەبەبى، مەن ءبىزدىڭ حالىق اراسىندا ەشقانداي تەرروريست جوق ەكەنىن بىلەمىن. اينالامىزدا قازىر نە بولىپ جاتقانىنا كەلەر بولساق، قۇقىق قورعاۋ ورگاندارىنا ەرىك بەرىپ قويدى جانە ولار ناعىز جاپپاي تارتىپسىزدىك جاساۋدا! ميتينگكە مۇلدە قاتىسپاعان ادامداردى ەشقانداي ءمان-جايدى تۇسىندىرمەستەن الىپ كەتەدى، ولاردى ۇرىپ-سوعادى جانە بار قىلمىستى ءوز مويىندارىنا الۋعا ءماجبۇر ەتەدى. ماعان سەنىڭىزدەر، سول جەرگە جەتكىزىلگەندەر، قالاسا دا، قالاماسا دا، ءوز مويىندارىنا ءبارىن الادى. سوندىقتان، پرەزيدەنت مىرزا! مۇنى توقتاتىڭىز، بولدىرماڭىز! سەبەبى، ءبىزدىڭ ەلدە تەرروريستەر بولعان كۇننىڭ وزىندە، مۇنى ۇقك، ءىىد، ءىىم بىلمەي، ولار ءبىزدىڭ ەلگە كىرە الماس ەدى، - دەدى قۋات حاميتوۆ.
قۋات حاميتوۆ قازىردىڭ وزىندە بىرەۋدىڭ اعاسىن، تۋىسقانىن، وتباسى مۇشەسىن ەشقانداي ءمان-جايدى تۇسىندىرمەستەن الىپ كەتكەنى تۋرالى ايتتى.
- ماعان كۇندە بىرەۋدىڭ جانۇياسىن، اعايىن-تۋىستارىن ەشقانداي سەبەپسىز الىپ كەتىپ جاتقانى جايلى مىڭداعان حابارلامالار كەلەدى جانە ولاردى ءوز مويىندارىنا كىنا الۋعا ءماجبۇر ەتىپ جاتىر. ءبىر وتباسىن اتىپ تاستادى، كىشكەنتاي قىز ءولتىرىلدى. بۇنىڭ ءبارىن ءبارىمىز جاڭالىقتاردان دا، ينتەرنەتتەن دە كورىپ وتىرمىز. مۇنى قالاي تۇسىنۋگە بولادى؟ مۇنى ىستەگەندەر نەگە سوتتالمايدى؟ نەگە ولار جازاسىز قالادى؟ بۇل قانداي زاڭ؟ قالاي؟ بۇل تەرروريزم بولماسا، تەرروريزم دەپ نەنى ايتۋعا بولادى؟، - دەپ كۇيىندى قازاقستاندىق سپورتشى.
سونىمەن قاتار قۋات حاميتوۆ بەيبىت ميتينگ ورىن العان كۇنى جارالانعان ادامدار اۋرۋحانالارعا تۇسكەنىن، ولاردان سوڭعى قوڭىراۋ سول جاقتان بولعانىن، سودان كەيىن ولار مۇلدە بايلانىسقا شىقپاعانىن اتاپ ءوتتى.
- ءسويتىپ اۋرۋحاناعا تۋىسقاندارى ىزدەپ كەلسە، ولارعا بىرەۋلەر كەلدى دە، ولاردى الىپ كەتكەن دەيدى. ولار قايدا الىپ كەتتى؟ ارينە، قاراپايىم ادامعا كەز-كەلگەن جارالانعان ادامدى الىپ كەتۋگە رۇقسات ەتىلمەيدى. بۇل "كوروچكاسى" بار ادامدار ەكەنى بارلىعىنا تۇسىنىكتى. ولار "كوروچكاسىن" كورسەتتى، ءسويتىپ الىپ كەتتى. ولاردى قايدا اپاردىڭدار؟ دەمەك، ادامدى تابۋ بۇگىنگى كۇننىڭ باستى ماسەلەسى مە، الدە قالاي؟ بارلىق جەردە كامەرا بار، ەگەر سىزدەر جوعالىپ كەتكەن قاراپايىم حالىقتى تابا الماساڭىزدار، وندا قانداي دا ءبىر تەرروريستەردى قالاي تاباسىزدار؟ نەگە بۇل ىسپەن ەشكىم اينالىسپايدى؟
- سوڭىندا قازاقستان رەسپۋبليكاسى ىشكى ىستەر مينيسترلىگىنە ءوتىنىش بىلدىرگىم كەلەدى! نەلىكتەن بارلىق بولعان زاڭسىزدىقتاردان، تارتىپسىزدىكتەردەن كەيىن ىشكى ىستەر دەپارتامەنتىنىڭ باستىعى ءالى ءوز ورنىندا وتىر؟ وسىنىڭ بارىنەن كەيىن ءسىز نەگە حالىق كوشەگە شىعادى دەيسىز. ارينە، ءسىز ءوزىڭىز حالىقتى كوشەگە شىعارۋعا ماجبۇرلەپ، ارانداتىپ وتىرسىز. الدە مۇنىڭ ءبارى ءسىزدىڭ پايداڭىز ءۇشىن بە؟ نەگە مەنىڭ دە، وزگەنىڭ دە باسىنان وتكەرگەن زاڭسىزدىقتان كەيىن ادامدار جوعالىپ، ەش ءمان-جايدى تۇسىندىرمەستەن زاڭسىز تۇردە ادامداردى الىپ كەتىپ، ۇرىپ-سوعىپ، كۇندىز-ءتۇنى بارلىق كىنانى ءوز موينىنا الۋعا ءماجبۇر ەتىپ جاتىر؟ وسىدان كەيىن ءسىز ءالى دە ادامدار كوشەگە شىعادى دەپ ايتاسىز! مۇمكىن بۇل سىزگە پايدالى شىعار؟ مۇمكىن ءسىز ادامدار كوشەگە شىعۋى ءۇشىن وسىنىڭ بارلىعىن ارنايى ىستەپ جاتىرسىز با؟، - دەدى حاميتوۆ.
ءسوز سوڭىندا، قازاقستاندىق سپورتشى سوڭعى ۋاقىتتا، قۇقىق قورعاۋ ورگاندارىنىڭ جۇمىسىندا كوپتەگەن زاڭسىز ارەكەتتەر بار ەكەنىن مالىمدەدى. "اقشا ءۇشىن قولدان تەرروريست جاساعان بىشكەك ازاماتىمەن بولعان جاعدايدى الايىق. مەنى ۇستاپ الىپ كەتكەن جاعدايدى ەسىڭىزدە ءتۇسىرىڭىز. ءىىد باستىعى ماعان ەكى كۇن بويى جالىنىپ، ۆيدەو ءتۇسىرىپ، بارلىعىن جوققا شىعارۋىمدى ءوتىندى. مەن ولارعا كەزدەسۋگە بارعانىمدا، مەنىڭ سوزدەرىمدە ەشقانداي ەرەۋىل، اتىس، توبەلەس بولماعانىن ايتتىم. مەن ءوز حالقىم ءۇشىن كەزدەسۋگە باردىم. وسىنىڭ ناتيجەسىندە ولار مەنى ۆيدەوعا ءتۇسىرىپ الدى. شاماسى ولار مەنى ۇياتقا قالدىرعىلارى كەلدى. ال مەن ءوزىمنىڭ حالقىم ءۇشىن، جاقسىلىق ءۇشىن ىشتەگى ەگومدى، ءوزىمدى اتتاپ وتۋىمە تۋرا كەلدى. مەنىڭ ويىمشا، سوڭعى ۋاقىتتا قۇقىق قورعاۋ ورگاندارى بىرەۋدىڭ تاپسىرىسىن ورىنداپ وتىر نەمەسە ءوز جۇمىسىن پايداكۇنەمدىك ماقساتپەن ىستەپ جاتقان سياقتى" - دەدى قۋات حاميتوۆ ءوز ينستاگرام پاراقشاسىندا.
"ادىرنا" ۇلتتىق پورتالى
