Biylǧy jyldyŋ jaŋalyǧy Elbasymyzdyŋ «Bolaşaqqa baǧdar: ruhani jaŋǧyru» baǧdarlamasy aiasynda Yntymaq pen Bırlıkke şaqyrar dästürlı meiram – Amal merekesı tūŋǧyş ret respublikalyq deŋgeide atalyp ötıldı. Mäşhür-Jüsıp, Abai-Şäkärım, Qorqyt ata, Qoja Ahmet Iаsaui, Aqmeşıt, Saraişyq, Beket ata kesenelerınıŋ jäne Ūlytau keşenı şyraqşylarynyŋ qatysuymen, elımızdıŋ är aimaǧynan kelgen delegasiia müşelerı Otpan taudyŋ bauyrynda bas qosty.
Jalpy 2008 jyldan berı Amal merekesın barlyq sän-saltanatymen Otpan taudyŋ basynda toilau ürdıske ainalǧan bolatyn.
Alpystan astam kiız üi tıgılıp, ekı jüzden astam önerpaz öner körsettı. Ūlttyq sporttyq oiyndardan jarystar ötıp, alaman bäige ūiymdastyrylyp, jüldelerge baǧaly syilyqtar men aqşalai syiaqy berıldı. Merekelık şarada «Şaşu bop jyrym şaşylsyn» respublikalyq jyr mektepterı ökılderı (Jetısu, Arqa, Batys, Altai-Tarbaǧatai mektepterı) men «Men – qazaqpyn!» mega-jobasy jüldegerlerınıŋ konserttık baǧdarlamasy ūsynyldy. «Amal-2018» aiasynda «Aialy aǧaş – saialy» tal otyrǧyzu aksiiasy öttı.
Jalpy qatysuşylar sany bes myŋ adamdy qūraityn būl şarada Qazaq dalasynyŋ önerın, salt-dästürın, ūlttyq bolmysyn beineleitın qoiylymdar qoiylyp, än-küiden, jyr-termeden şaşu şaşylyp, qolöner jäne türlı taqyryptaǧy körmeler jūrtşylyqqa tanystyryldy.
Amal merekesı – tek meiram ǧana emes, ol tabiǧattyŋ türlenıp, jaŋaruy. Būl halyq arasyndaǧy kelısımdı nasihattap, bırlık pen auyzbırşılıkke şaqyratyn aituly mereke. Būl künı qazaqtyŋ qaimaǧy saqtalǧan, eŋsesı biık, salt-dästürı tereŋde jatqan Maŋǧystau jūrtşylyǧy bır-bırımen körısuge şyǧady. Onyŋ mänı – jaŋa jylǧa aman-esen jetıp, tört köz tügel jüzdesu. Sondai-aq ülkenderge arnaiy baryp körısu, aradaǧy ökpe-renıştı ūmytu, keşırım sūrau- osy künı körınıs tabady.
Qalyptasqan ürdıspen Maŋǧystaudyŋ köpşılıgı Amal meiramyn Otpan tauda qarsy aldy. Şarada Qazaqstannyŋ tükpır-tükpırınen ǧalymdar, ölketanuşy, tarihşy, köptegen qonaqtar men turister bas qosty.
Qonaqtardy kütu, ūlttyq oiyn-sauyq, än-jyr saiystaryn nasihattap ötkızu jyl saiyn är auylǧa mındettelgen. Qazan qainap, ädemı ūlttyq naqyştaǧy kiımderdı kigen kelınderdıŋ şaşbauy syldyrlap, sälem salyp, ülkenderdıŋ bır-bırımen körısıp, tılek jaudyrǧan sätterı öte äserlı.
Jyldyŋ basy bolyp sanalatyn ūlyq mereke sporttyq jarystarmen bastaldy. Şetpedegı atşabarda 25 şaqyrymdyq alaman jarys öttı. Qūnanorys äuletı belsendı ärı joǧary deŋgeide daiyndalǧan alaman bäigege bas-aiaǧy 61 jüirık baq synasty. 8 ainalymdy ötkızgen tūlparlar bırınen-bırı basa ozǧysy keledı. Jarysta bırınşı kelgen qatysuşyǧa – temır tūlpar «Toiota», ekınşı orynǧa «Niva» avtokölıgı, al üşınşı orynǧa motosikl tıgıldı.
Sonymen qatar 70,80,90 kelı salmaqtar boiynşa audaryspaq ūiymdastyryldy. Otpan tauda Qazaqstannyŋ är oblysynan, är audanynan keletın qūrmettı qonaqtarǧa arnalyp berekelı dastarqan daiyndaldy. Jergılıktı şeberlerdıŋ qolynan şyqqan būiymdardan järmeŋke de ūiymdastyryldy.
Aqsaraida «Amal merekesı – ruhani jaŋǧyruymyzdyŋ jarşysy» atty döŋgelek üstel öttı. Şaraǧa jan-jaqtaǧy körşı oblystardan qonaqtar jinaldy. Atap aitsaq, Qaraǧandy, Şyǧys Qazaqstan, Atyrau oblysy jäne Türkıstan qalasynan kelgen ziialylar bas qosyp, öz oilaryn ortaǧa saldy. Basqosuda Elbasynyŋ maqalasy keŋınen talqylanyp, oi-pıkır ortaǧa salyndy. Körısu merekesınıŋ män-maǧynasy tüsındırılıp, bır- bırıne aqjarma aq tılekterın arnady. Oblystan kelgen qonaqtar toidyŋ keremet ötıp jatqandyǧy jäne onyŋ jastarǧa bererı mol ekendıgın atap öttı. Türkıstan qalasy «Äzıret Sūltan» memlekettık tarihi-mädeni qoryq-muzei direktory Nūrbolat Ahmetjanov mūrajaiǧa arnaiy äkelgen syiyn tartu ettı.
Oblys äkımı Eraly Toǧjanov jinalǧan jūrtşylyqty Amal merekesımen qūttyqtady. Amalda aitylar köl-kösır köptıŋ tılekterı qabyl bolsyn degen oblys äkımı şyraqşylarmen bırge «Bırlık otyn» tūtatty. Bır-bırıne aqjarma tılekterın arnaǧan jinalǧan jūrtşylyq merekelık konserttı tabiǧat aiasynda köterıŋkı köŋıl-küimen qyzyqtady.
Alma Müsırepova
Maŋǧystau oblysy
anatili.kazgazeta.kz
