Saǵyntaevtyń kortejine jasalǵan shabýyl: "Almaty" dırektory oqıǵany baıandady

2945
Adyrna.kz Telegram

6 qańtarda Almaty ákimi Baqytjan Saǵyntaevtyń kortejine shabýyl jasaldy. Oqıǵanyń mán-jaıyn "Almaty" telearnasynyń bas dırektory Nurjan Jalaýqyzy aıtyp berdi. Shabýyl kezinde telearna qyzetkerleriniń biri qaza boldy, - dep habarlaıdy "Adyrna" portaly Tengrinews.kz-ke silteme jasap.

"Júrgizýshimiz Murathan Bazarbaev qyzmettik mindetin atqarý kezinde qaza boldy. Arnaıy tehnıka operatory Dıasken Baıtıbaev jaralandy. Onyń oń qolyna oq tıgen, eki saýsaǵynan aıyryldy. Úshinshi qyzmetker - operator Arsen Sandybaev aman-esen", - dedi Nurjan Jalaýqyzy.

Qaza bolǵan júrgizýshiniń aıaǵy men ishine oq tıgen.

"Qazir Dıasken aýrýhanada, oǵan barynsha qoldaý kórsetip jatyrmyz. Olardyń otbasyna qajetti kómek kórsetiledi. Bul tipti talqylanbaıdy da", - dedi Jalaýqyzy.

"Almaty" telearnasynyń dırektory túsirilim tobyna qalaı shabýyl jasalǵanyn aıtyp berdi.

"Olar 6 qańtarda, keshke Respýblıka alańyna shyqty. Ásker alańdy baqylaýǵa alǵany aıtyldy. Murathan aǵa keńsege jaqyn mańda turatyn, bári sol kisiniń kóligine otyryp shyqqan. Ál-Farabı dańǵylynan Fýrmanovqa (Nazarbaev - esk.) burylǵanda olarǵa oq jaýdyrǵan", - dedi Jalaýqyzy.

Ol túsirilim toby qala ákimi Baqytjan Saǵyntaevtyń korteji quramynda bolǵanyn rastady.

"Áriptesimiz Murathan Bazarbaevtyń otbasyna jáne jaqyndaryna qaıǵyra kóńil aıtamyz. Onyń batyldyǵy, jumysyna berilgendigi jáne qyzmeti máńgi jadymyzda", - dedi Nurjan Jalaýqyzy.

Buǵan deıin Almaty ákimi Baqytjan Saǵyntaevqa shabýyl jasalǵany habarlanǵan bolatyn.

Pikirler