AQŞ prezidentı Donald Tramp Amerika aviasiiasy İrandaǧy Fordo, Natanz jäne İsfahan iadrolyq nysandaryna soqqy bergenın mälımdedı, dep habarlaidy "Adyrna" ūlttyq portaly.
Būl turaly ol 21 mausym künı Truth Social äleumettık jelısındegı paraqşasynda jazdy.
«Bız İrandaǧy üş iadrolyq nysan — Fordo, Natanz jäne İsfahanǧa öte sättı şabuyldy aiaqtadyq. Barlyq ūşaqtar qazır İran aumaǧynan tys jerde», - dedı AQŞ prezidentı.
«Basty nysan — Fordoǧa tolyq bomba qorymen soqqy berıldı. Barlyq ūşaqtar aman-esen üige oraldy. Ūly amerikalyq sarbazdarymyzdy qūttyqtaimyz. Mūny jasai alatyn basqa armiia joq. Endı tynyştyq uaqyty tudy!» - dep tolyqtyrdy ol.
Tramp Truth Social-daǧy taǧy bır jazbasynda būl oqiǧany Amerika Qūrama Ştattary, İzrail jäne bükıl älem üşın tarihi sät dep atap öttı. Ol sondai-aq: «Endı İran būl soǧysty toqtatuǧa kelısuı tiıs», - dedı.
Tramp äzırge naqty qandai bombalar qoldanylǧanyn aitqan joq. Aq üi men Pentagon operasiianyŋ egjei-tegjeiın jariialamady.
İran syrtqy ıster ministrlıgınıŋ baspasöz hatşysy Esmail Bagai būǧan deiın: «Kez kelgen amerikalyq aralasu — būl aimaqtaǧy jappai soǧys tudyruy mümkın», - dep mälımdegen bolatyn.
Būǧan deiın AQŞ prezidentı İranǧa qarsy äskeri soqqy beru josparyn maqūldaǧan bolatyn. Alaida naqty qaşan jüzege asyrylatyny aitylmaǧan edı.
