Kıevte 2023 jyldyń 29 jeltoqsanyna qaraǵan túni Reseıdiń Ýkraınaǵa jasaǵan eń iri áýe soqqysynan qaza tapqandar sany artýda. Dúısenbi kúni keshke, 1 qańtarda qutqarýshylar 29 adamnyń máıitin tapty. Bul tiraly Kıev qalalyq áskerı basqarmasynyń basshysy Sergeı Popko málimdedi, dep habarlaıdy “Adyrna” ulttyq portaly.
«Kıevke áýe soqqysynan keıin úsh kún qatarynan qutqarýshylar izdestirý-qutqarý operaııasyn júrgizip jatyr. Ókinishke qaraı, reseılik zymyrandardan qaza tapqandardyń máıitteri áli de tabylýda. 29 jeltoqsanda Ýkraına astanasy úshin aýqymdy basyp alý bastalǵannan bergi eń aýyr qaıǵyly oqıǵa boldy. Búgin reseılik terrordyń jazyqsyz qurbandary úshin otbasymyzben birge aza tutamyz», - delingen 1 qańtardaǵy habarlamada.
29 jeltoqsanda Ýkraınanyń Kıev, Dnepr, Zaporoje jáne Odessa qalalarynda zymyrandyq shabýyl saldarynan barlyǵy 50-ge jýyq adam qaza tapty. Qurbandar sany 160 adamnan asty.
1 qańtarda Kıevte qaza tapqandardy aza tutý kúni jarııalandy.
Ýkraına qalalaryn atqylaý kezinde Reseı Shahed ushqyshsyz ushatyn apparattary men ártúrli zymyran túrlerin paıdalandy. Ýkraına boıynsha barlyǵy 158 áýe kúshteri ushyryldy, onyń ishinde 36 ushqyshsyz ushaq jáne 122 zymyran. Ýkraına qarýly kúshteri 114 nysanany atyp túsire aldy.
«Reseıdiń Ýkraına qalalaryndaǵy soqqylary kópqabatty turǵyn úılerdi, Dneprdegi saýda ortalyǵyn, mańyzdy ınfraqurylymdy, azamattyq kásiporyndar men qoımalardy zaqymdady», dep habarlady Ýkraına bıligi
