Aqtóbe oblysynyń Alǵa qalasynla atyshýly shoshqa fermasynyń ıesi Gaık Terterıanǵa qatysty úkim shyqty. Bul rette ol qaıtadan amnıstııaǵa ilikken dep habarlaıdy "Adyrna" saıty Alǵa aýdandyq sot úkimine silteme jasaı otyryp.
«Parıjskaıa kommýna XXI» JShS quryltaıshysy Gaık Terterıanǵa «Jerge zııan keltirý» qylmystyq baby boıynsha aıyp taǵyldy. Is materıaldarynan olar Bestamaq aýylyndaǵy shoshqa ósirý kesheniniń artynda mal soıý pýnktiniń qaldyqtary men turmystyq qaldyqtardy ishinara aralastyryp, keıin kásiporynnyń býferlik aımaǵyna kómgeni belgili boldy. Osylaısha, qorshaǵan ortaǵa zııan keltirildi.
Aqtóbe oblysy Alǵa aýdanynyń soty keshen ıesin 1 jyl 6 aıǵa bas bostandyǵynan shekteý jazasyna keskenimen, Qazaqstan Táýelsizdiginiń 30 jyldyǵyna oraı jarııalanǵan raqymshylyqqa baılanysty ony negizgi jazadan bosatqan.
Úkim zańdy kúshine engenge deıin úıqamaq túrindegi sankııa eshqaıda ketpeý týraly qolhatqa aýystyrylady. Sot úkimi áli de qarastyrylady.
Buǵan deıin Aqtóbe ekonomıkalyq soty kásiporyn qyzmetkerleriniń ekologııalyq zalaly 7 mıllıard teńgeden astam qarajatty quraǵanyn anyqtap, ony óteýge mindetteldi. Tárkilengen múlik aýkıonǵa shyǵaryldy, biraq eki qatysýshy kelmegendikten aýkıon ótpedi.
Eske salaıyq, 2020 jyldyń kúzinde Bestamaq turǵyndary shoshqa fermasynyń artyndaǵy qasaphananyń qaldyqtary salynǵan transheıalardy taýyp, vıdeony áleýmettik jelide jarııalaǵan bolatyn. Olar sý men topyraqty ýlaıdy dep málimdedi. Keıbireýler shoshqa fermasyn jabýdy talap etti.
Jospardan tys tekserý nátıjesinde ekologııalyq buzýshylyqtar anyqtaldy, ınspektorlar olardy joıýdy buıyrdy. Sáýir aıynda sot oryndaýshylary káriz qubyrlaryn japqan, sodan keıin fermada shoshqalar qyryla bastaǵan. Keshen basshylyǵy jumystyń barlyǵy derlik ekologııa departamentiniń nusqaýy boıynsha atqarylǵan dep sendirdi. Jumyskerler tipti zaýyttyń jabylýyna narazylyq bildirip, ashtyq jarııalady.
"Adyrna" ulttyq portaly
