Oraza aıt qarsańynda kórshiles Ózbekstan prezıdenti jazasyn ótep jatqandarǵa raqymshylyq jasaǵan, dep habarlaıdy "Adyrna" tilshisi QazAqparatqa siltep.
Prezıdent Shavkat Mırzııoev «Jazasyn ótep jatqan, istegen isine ókinetin jáne ómirin ózgertýge bet alǵan adamdar tobyna raqymshylyq jasaý» jarlyǵyna qol qoıdy. Ol jarlyqqa saı 426 adamǵa raqymshylyq jasaǵan.
426 adamnyń ishinde 135 sottalǵan negizgi jazasyn óteýden tolyq bosatylsa, al 200 adam merziminen buryn shartty túrde bostandyqqa shyqpaq. 26 adamnyń jazasy jeńildetilip, bas bostandyǵynan aıyrylǵan 65 azamattyń merzimderi qysqardy.
«Raqymshylyq jasalǵandardyń qatarynda shet memleketterdiń 11 azamaty, 50 áıel, 60 jastan asqan 13 er adam, 30 jasqa deıingi 157 adam (onyń ishinde úsheýi kámeletke tolmaǵandar), sondaı-aq tyıym salynǵan uıymdardyń qyzmetine qatysqan 5 adam bar», - dedi Ózbekstan basshysynyń baspasóz qyzmeti.
Eske sala keteıik, Túrikmenstanda sottalǵandar úshin Qadir túnine oraı amnıstııa jarııalanǵan bolatyn.
29 naýryzda Túrkimenstan prezıdenti Serdar Berdimuhamedov úkimettiń áleýmettik-ekonomıkalyq damý máselelerine arnalǵan otyrysynda dástúr boıynsha qasıetti «Gadır Gıdjesı» túni, ıaǵnı Qadir túni qurmetine, buryn sottalǵan 356 azamatqa raqymshylyq jasaý týraly jarlyqqa qol qoıdy.
