Özbekstan prezidentı Şavkat Mirziioev käsıpkerlerge salyqtyq amnistiia jariialady. Būl turaly memleket basşysy 20 tamyzda biznes ökılderımen ötken kezdesude aitty, dep habarlaidy «Adyrna» tılşısı Gazeta.uz-ge sılteme jasap.
Ol tekserıster kezınde 20 myŋ käsıpkerde jalpy somasy 16 trln somdy (şamamen $1,28 mlrd) qūraityn qateler anyqtalǧanyn mälımdedı. Aituynşa, būl olardyŋ käsıpkerlık tūraqtylyq reitingındegı ornyna äser etken.
«Bügın bız özındık bır «amnistiiany»jariialaimyz. Tekseruler boiynşa aiyppūldar qoldanylmaidy. Onyŋ ornyna 1 qaraşaǧa deiın bizneske barlyq qatelık pen kemşılıkterdı erıktı türde tüzetu mümkındıgı berıledı. Bır sözben aitqanda, 1 qaraşadan bastap käsıpkerler reitingı «taza paraqtan» bastalady», – dep tüsındırdı prezident.
Būdan bölek, Mirziioev paida salyǧy boiynşa avanstyq tölemder şegınıŋ köterıletının habarlady. Endı būl talap jyldyq ainalymy 20 mlrd somnan asatyn kompaniialarǧa ǧana qoldanylatyn bolady. Bilık esebı boiynşa, şamamen 14 myŋ käsıporynnyŋ qolynda qosymşa 1 trln somǧa juyq ainalym qarajaty qalady.
