Aıda BALAEVA: Táýelsiz Qazaqstannyń búgingi ósip-órkendeýiniń túbinde árbir qazaqstandyqtyń úlesi jatyr

2709
Adyrna.kz Telegram
Tyńnan túren salyp, jańa dúnıe jasaý – aıtýǵa ǵana ońaı. Sonyń ishinde, álemdik kartada jańadan paıda bolǵan táýelsiz memlekettiń tizginin jaýapkershilikpen qolǵa alý – árkimniń batyly baryp, júregi daýalaıtyn táýekel emes. Sebebi onyń túbinde tutas halyqtyń taǵdyry men tarıhy tur. Ol úshin adamda eńseli erik-jiger, taýsylmas tózim men eńbekqorlyq, jańa zamannyń talabyn dál túısinetin kóregen kósemdik, jarqyn bolashaqqa degen senim men táýekel bolý kerek.
Árıne, búginde bári «Keńes Odaǵynyń kúıreýiniń» arqasy deı salý jeńil. Onyń qalaı bolǵanyn, sol proesske tikeleı qatysqandar ǵana tolyq túsinedi. Sol zamandaǵy kópshilik adamdar úshin ol naǵyz toqyraý zaman boldy. Barlyǵy bir sátte toqtap qaldy. Jumyssyzdyq beleń aldy, aqsha joq, barlyq zaýyttar men fabrıkalar isten shyqty. Tipti búginde úzdiksiz berilýi qalypty qubylysqa aınalǵan elektr energııasynyń ózi jıi sónetin edi. Tutas qoǵamnyń erteńge degen senimi álsirep, daǵdaryp qaldy. Onyń ishinde, sol zamanda jastar sanatynda bolǵan ózim de barmyn.
Sol qıyn kezeńde eger el basshylyǵyna Nursultan Ábishuly kelmegende, Tuńǵysh Prezıdenttiń daryndy qabileti men jalyndy kúsh-jigeri bolmaǵanda, táýekelge bel býyp el taǵdyryna qatysty batyl sheshimderdi qabyldamaǵanda, memleket damýynyń dál búgingideı dańǵyl jolǵa túsýi ekitalaı bolar edi..
Búginde biz ózge elderge úlgi bolatyn eńseli Elordasy bar, álem moıyndaǵan memlekettik shegarasy bekigen, ortaq tarıh biriktirgen alýan etnosty qazaqstandyqtar ekenimizdi maqtan tutamyz. Baǵyt-baǵdarymyz belgili, kemel keleshekke degen senimimiz nyq, urpaqtyń jarqyn bolashaǵyna degen úmitimiz aıqyn. Eń bastysy, osy jyldar ishinde, ashyq aspan tústes beıbitshilik rámizindeı týyn maqtan etetin, eldiń rýhyn kótereri ánuranyn tebirene shyrqaıtyn táýelsiz eldiń erkin oıly urpaǵy qalyptasty. Qazaqstan eliniń búginde álem moıyndaǵan memleket bolyp qalyptasyp, damýdyń búgingi dańǵyl jolyna túsýiniń barlyǵy da – Elbasynyń dana saıasaty men tereń parasatynyń arqasy.
Barshańyzdy búgingi 1 jeltoqsan – Qazaqstan Respýblıkasynyń Tuńǵysh Prezıdenti kúni merekesimen shyn júrekten quttyqtaımyn!
Qarapaıym halyq qaı kezde de Elbasynyń ár bastamasyna qoldaý kórsetti jáne táýelsiz Qazaqstannyń búgingi ósip-órkendeýiniń túbinde árbir qazaqstandyq úlesi jatyr. Sondyqtan da eldiktiń belgisine balanatyn bul mereke – bir tulǵanyń emes, tutas ulttyń, táýelsiz jurttyń ortaq qýanyshy. Barshańyzǵa mereke qutty bolsyn! Denderińizge saýlyq, otbasylaryńyzǵa amandyq, baq pen bereke, yrys pen yntymaq tileımin!
"Adyrna" ulttyq portaly
Pikirler