Bókeıhanov týraly Reseı ǵalymynyń kitaby jaryq kórdi

1898

E.A.Bóketov atyndaǵy Qaraǵandy ýnıversıtetinde tarıh ǵylymdarynyń doktory Vıktor Kozodoıdyń «Álıhan Bókeıhanov. Dáýir tulǵasy» atty monografııasynyń tusaýkeseri ótti, dep habarlaıdy “Adyrna” ulttyq portaly QazAqparatqa silteme jasap.

Reseı professorymen kezdesýge zııaly qaýym ókilderi, JOO stýdentteri men oqytýshylary keldi.

Vıktor Kozodoıdyń zertteý múddelerine Sibir men Reseı revolıýııasynyń qoǵamdyq-saıası ómiriniń tarıhy, sondaı-aq tarıhı tulǵalardyń ómirbaıany kiredi.

«Álıhan Bókeıhanov. Dáýir tulǵasy» kitabyn jazýǵa eki jyl ýaqyt jumsalǵan. Tarıhshy qazaq saıasatkeri men qoǵam qaıratkeri týraly materıaldardy tirnektep jınaǵan. Aqparat kózi retinde muraǵat qujattary, Bókeıhanovtyń áriptesteri bólisken estelikteri, sol jyldardaǵy gazetter men jýrnaldardaǵy jarııalanymdar paıdalanyldy.

Avtordyń aıtýynsha, kitapqa buryn ǵylymı aınalymda bolmaǵan derekter engen. Kitap 1000 dana taralymmen shyqty. Basylym Novosıbırskide basylǵan. Aldaǵy ýaqytta monografııany qazaq jáne aǵylshyn tilderine aýdarý josparlanyp otyr.

“Adyrna” ulttyq portaly

Pikirler
Uqsas jańalyqtar