Steppe & World Publishing baspa üiı fransuz tarihşysy Mari Faveronyŋ «The Horde: How the Mongols Changed the World» atty eŋbegın qazaq tılıne audaryp şyǧardy. Qazaqşa basylym «Altyn Orda: dala imperiiasy älemdı qalai özgerttı» degen ataumen jaryq kördı, dep habarlaidy "Adyrna".
Kıtap 2021 jyly Harvard University Press baspasynan basylyp, halyqaralyq ǧylymi ortada keŋ talqylanǧan. Eŋbek ortaǧasyrlyq Euraziia tarihyna, Moŋǧol imperiiasy men Joşy Ūlysyna qatysty jaŋa zertteu ūstanymdarymen erekşelenedı.
Avtor Altyn Ordany tek jaulap aluşy küş retınde emes, Euraziia keŋıstıgındegı saiasi, ekonomikalyq jäne diplomatiialyq üderısterge yqpal etken memlekettık qūrylym retınde qarastyrady. Kıtapta Joşy äuletınıŋ bilıgı, basqaru jüiesı, sauda joldary, qalalarmen bailanys, islamdanu üderısı jäne Altyn Ordanyŋ keiıngı memleketterge yqpaly taldanady.
Baspa mälımetınşe, joba Qazaqstandaǧy Fransiia Elşılıgınıŋ qoldauymen jüzege asqan. Qazaqşa audarmasyn Nazgül Qojabek daiyndaǧan.
Kıtap jaqyn uaqytta kıtap dükenderınde satylymǧa şyǧady.
