18 qańtarda saǵat 11.00-de QR Ulttyq akademııalyq kitaphanasynda mádenıettanýshy-fılosof Abylaıhan Qalnazarovtyń «Shymkenttiń jumsaq kúshi. Shymkent qalasynyń brendin tıimdi basqarý men ımıdj-ıdeologııasyn ilgeriletý boıynsha kommýnıkatıvtik strategııa (Taldaýlar men usynystar)» atty tuńǵysh qazaqsha polıttehnologııa kitabynyń tusaýkeseri ótedi.
Kitap lentasyn «Qazaqstan máslıhattary depýtattarynyń birlestigi» RQB tóraǵasy Tóleýbek Muqashev jáne belgili jýrnalıst Zeıin Álipbek birlese qııady dep kútilýde.
Kitap 5 taraý, 432 betten turady. Teorııalyq bazasy Ulybrıtanııa úkimetiniń keńesshisi, Eýropa parlamentiniń depýtaty, aǵylshyn ǵalymy Saımon Anholt konepııasyna negizdelgen.
Shymkent qalasy mysalynda Qazaqstan qalalary men óńirleriniń brendin tıimdi basqarý men ımıdj-ıdeologııasyn tujyrymdap, ilgeriletý boıynsha úlgilik usynymdar men taldaýlar jasalǵan. Al taralymy 100 dana (ár danasy 25 myń teńge). Mazmuny boıynsha analıtıkalyq-usynymdyq zertteý eńbek.
Kásibıligin arttyrǵysy keletin memlekettik ıdeologııa, aqparat (aqparattyq-psıhologııalyq soǵys), BAQ, PR mamandaryna arnalǵan.
