Äleumettık jelıler men türlı messendjerlerde QR Prezidentı Jarlyǧy boiynşa 2023 jyldyŋ 1 qaŋtarynan äielderdıŋ zeinetke şyǧu jasy 58 jas bolyp tömendeidı degen aqparat jalǧan bolyp şyqty. Būl jaily QR Eŋbek jäne halyqty äleumettık qorǧau ministrlıgı:
"Äielderdıŋ zeinetke şyǧuynyŋ zaŋnamamen belgılengen jasy halyqaralyq jäne otandyq sarapşylar jürgızgen zertteuler nätijelerı men ūzaq merzımdı aktuarlyq boljamdarǧa negızdelgen, halyqaralyq praktikaǧa jäne älemdegı qalyptasyp otyrǧan ekonomikalyq jäne demografiialyq jaǧdaiǧa säikes keletının esterıŋızge salamyz. Bekıtılgen jas mölşerı bazalyq jäne yntymaqty zeinetaqyny jäne Bıryŋǧai jinaqtauşy zeinetaqy qorynan tölenetın tölemderdı eskere otyryp, qazaqstandyqtar qūrmettı demalysqa şyqqannan keiın tiıstı zeinetaqy tölemderın qalyptastyru qajettılıgımen negızdelgen.
Būl rette yntymaqty zeinetaqy jüiesı bırtındep qysqaruda, öitkenı olardy taǧaiyndau kezınde 1998 jylǧy 1 qaŋtarǧa deiın, iaǧni jinaqtauşy jüie engızılgenge deiın äzırlengen eŋbek ötılı eskerıledı. Osyǧan bailanysty mındettı zeinetaqy jarnalary esebınen qalyptastyrylatyn jinaqtauşy zeinetaqynyŋ rölı artady, zeinetaqy jarnalaryn audaru kezeŋı men mölşerı neǧūrlym köp bolsa, ol soǧan säikes joǧary bolady", - dedı.Osy rette, yntymaqty zeinetaqy jüiesı bırtındep qysqaryluda. Sebebı, 1998 jylǧy 1 qaŋtarǧa deiıngı, iaǧni jinaqtauşy jüie taǧaiyndau kezındegı eŋbek ötılı eskerıledı. Soǧan bailanysty zeinetaqy jarnalarynan qalyptastyrylatyn jinaqtauşy zeinetaqynyŋ rölı de artady. Aita ketu kerek, qoldanystaǧy zaŋnamaǧa säikes azamattarǧa zeinetkerlıkke erte şyǧuyna rūqsat etılgen. Iаǧni, BJZQ-da erlerdıŋ zeinetaqy jinaqtary 55 jasqa, al äielderdıkı 52,5 jasqa tolǧanda, zeinetaqy tölemderın alu qūqyǧyna ie bola alady.
"Azamattardan jalǧan aqparatqa nazar audarmaudy jäne aqparatty tek resmi derekközderden paidalanudy sūraimyz: jalǧan aqparat taratu zaŋ boiynşa jazalanady", - dep eskerttı vedomstvo halyqqa.
Däulethanqyzy Roza
Ūqsas jaŋalyqtar
