Jalpyǧa bırdei deklarasiialaudyŋ bırınşı kezeŋınıŋ nätijesı jariialandy. Onyŋ qorytyndysy boiynşa deklarasiiany ūsynǧan 497 myŋ jeke tūlǧanyŋ 440-ynda 58 eldıŋ şeteldık bankterınde banktık şoty bary anyqtaldy. Būl turaly Ortalyq kommunikasiialar qyzmetınde ötken brifingte Memlekettık kırıster komitetı Töraǧasynyŋ orynbasary Jaidar Iŋkärbaev mälımdedı.
Onyŋ aituynşa, aqşanyŋ jalpy somasy 691 mlrd teŋge. Äsırese, şottyŋ eŋ köp bölıgı körşı Resei, AQŞ, Şveisariia bankterınde aşylǧan.
«494 jeke tūlǧa 26 elde Qazaqstan Respublikasynan tys jerlerde 666 jyljymaityn mülık obektısın deklarasiialady, onyŋ ışınde 436 obektı Reseide, 44-ı Bırıkken Arab Ämırlıkterı, 38-ı Türkiiada. 1030 jeke tūlǧa 49 şet memlekette tırkelgen 1198 kölık qūralyn, onyŋ ışınde 292-sı Reseide, 235 Armeniiada, 221 Japoniiada, 162 Germaniiada jäne t. b. deklarasiialady.Sonymen qatar, 47 jeke tūlǧanyŋ bızdıŋ elden tys 57 zaŋdy tūlǧada qatysu ülesı bar, būl Reseide, Kiprde, Arab Ämırlıgı jäne t. b. Odan bölek, 1585 jeke tūlǧa 11 elde 1603 jyljymaityn mülık obektısınıŋ qūrylysyna qatysu ülesınıŋ bar ekenın körsettı. İnvestisiialyq altyndy 116 adam jariialady, 918 adam 25 elde baǧaly qaǧazdary baryn, 635 investisiialyq qorda 608 adamnyŋ ülesı bar, 212 adamnyŋ 218 ziiatkerlık menşık, avtorlyq qūqyq obektılerı bar, 355 adamnyŋ debitorlyq bereşegı bar, 578 adamnyŋ kreditorlyq bereşegı bar», – dedı J. Iŋkärbaev.Aita keterlıgı, 2021 jylǧy 1 qaŋtardan bastap jalpyǧa bırdei deklarasiialau jariialanǧan bolatyn. Bırınşı bolyp mal-mülkın memlekettık qyzmetşıler men olardyŋ jūbailary jariialanuy mındettelgen. 2023 jylǧy 1 qaŋtardan bastap memlekettık mekemeler men kvazimemlekettık sektor qyzmetkerlerı men olardyŋ jūbailary menşıgındegı baryn jariialauy tiıs. 2024 jyldyŋ 1 qaŋtarynan bastap deklarasiialaumen biznes ökılderı, iaǧni zaŋdy tūlǧalar men jeke käsıpkerlerdıŋ basşylary, qūryltaişylary jūbailarymen qamtylady. Deklarasiialaudyŋ soŋǧy kezeŋıne 2025 jyldyŋ 1 qaŋtarynan bastap qalǧan sanattaǧy azamattar enuı tiıs. Aldyn ala derekter boiynşa jalpyǧa bırdei deklarasiialau jüiesıne 13 mln adam kıredı.
”Adyrna” ūlttyq portaly
Ūqsas jaŋalyqtar
