Sybaılas jemqorlyqqa qarsy qyzmet Qaırat Satybaldyulyna qatysty isti tergeý sheńberinde elge jyl basynan beri 44,6 mlrd teńge qaıtardy. Bul týraly vedomstvonyń baspasóz qyzmeti málimdedi, dep habarlaıdy “Adyrna” ulttyq portaly.
«Qazirgi ýaqytta qarajat memleketke keltirilgen zalaldy óteý esebinen respýblıkalyq bıýdjetke jiberildi»,– delingen antıkor habarlamasynda.
Antıkor tóraǵasy Ashat Jumaǵalıdiń departament basshylarymen jedel keńesi kezinde aıtty. Keńeste sheneýnikter prezıdent Qasym-Jomart Toqaevtyń Úkimettiń keńeıtilgen otyrysynda aıtqan tapsyrmalaryn talqylaǵan.
«Memleket basshysy atap ótkendeı, zańsyz shyǵarylǵan aktıvterdi qaıtarý ınvestıııalardyń taǵy bir kózi bolýǵa tıis»,– delingen habarlamada.
Odan bólek, Prezıdent ekonomıkaǵa jańa serpin berý úshin kásipkerlermen jáne ınvestorlarmen tolyqqandy seriktestik qurý qajettigine nazar aýdarǵany sóz boldy.
«Bir jyl buryn Antıkormen bıznesti qorǵaý jumysy aıasynda «Bızneske jol» jobasy iske qosyldy. Ol jergilikti jerlerde kásipkerliktiń damýyna kedergi keltiretin júıeli ákimshilik kedergilerdi joıýǵa arnalǵan»,– delingen habarlamada.
Joba iske qosylǵan sátten bastap 600-den astam problemalyq keıs sheshilip, 30 myńǵa jýyq kásipkerge kómek kórsetilgen.
Sondaı-aq, Prezıdenttiń tapsyrmasyna sáıkes, «aqshany boıaýdy» pılottyq engizý úshin avtojoldar salý, aýyl sharýashylyǵy tehnıkasy men jabdyqtaryn satyp alý, sondaı-aq Áleýmettik-kásipkerlik korporaııalardyń qarajatyn paıdalaný salalary aıqyndalǵan.
Eske salsaq, 2022 jyldyń 26 qyrkúıeginde Qazaqstannyń burynǵy prezıdenti Nursultan Nazarbaevtyń nemere inisi Astana qalasy Baıqońyr aýdanynyń №2 soty Qaırat Satybaldyulyn 6 jylǵa bas bostandyǵynan aıyrylǵan bolatyn. Oǵan Qylmystyq kodekstiń eki baby «aldaý nemese senimge qııanat jasaý jolymen múliktik zalal keltirý», «senip tapsyrylǵan bóten múlikti ıemdený nemese talan-tarajǵa salý» baptary boıynsha aıyp taǵylǵan bolatyn. Ol proess barysynda taǵylǵan aıypty moıyndady.
