Kókshetaýda jańa jyl merekesin toılaý úshin 45 mln teńge bólinbek, dep habarlaıdy "Adyrna" tilshisi QazAqparatqa siltep.
Qala ákimdigi baspasóz qyzmetiniń málimetinshe, Jańa jyl merekesine oraı qalany bezendirý úshin 45 mln teńgege memlekettik satyp alý sharty jasalǵan.
«Kókshe tazalyq» JShS merdiger uıymynyń shartyna sáıkes oblys ortalyǵyndaǵy Abylaı han alańynda muz qalashyǵy salynbaq. Onyń bıiktigi – 22 metr. Jańa jyldyń basty shyrshasy ornatylyp, túrli tústi jaryqdıotty shamdarmen jáne áshekeı buıymdarmen bezendiriledi. Qazirgi kezde shyrsha qurastyrylyp jatyr.
Abylaı han alańynda, «Dostar» mádenıet úıi men «Bolashaq saraıyna» aldynda bir úlken, bir kishirek syrǵanaıtyn muz tóbeshik ornatylady. Sondaı-aq, oblystyq fılarmonııanyń janynda, Zastanıonnyı, Vasılkovskıı, Saryarqa, entralnyı, Qulager, Beıbitshilik, Jaılaý shaǵynaýdandarynda, Abylaı han dańǵyly men Shuǵyla kóshesinde bir shyrshadan ornatylmaq.
«Muz qalashyǵyn paıdalaný kezinde ony kútip ustaý, keıin bolǵan soń bólshektep jınastyrý kózdelgen. Merekelik is - sharalarǵa arnalǵan shyǵystardy qysqartý maqsatynda buryn belgilengen jáne jaramdy kúıde turǵan bezendirý elementterin qaıta satyp alý júrgizilmeıdi», - dep qala ákimdiginiń baspasóz qyzmetinen.
