«494 جەكە تۇلعا 26 ەلدە قازاقستان رەسپۋبليكاسىنان تىس جەرلەردە 666 جىلجىمايتىن مۇلىك وبەكتىسىن دەكلاراتسيالادى، ونىڭ ىشىندە 436 وبەكتى رەسەيدە، 44-ءى بىرىككەن اراب امىرلىكتەرى، 38-ءى تۇركيادا. 1030 جەكە تۇلعا 49 شەت مەملەكەتتە تىركەلگەن 1198 كولىك قۇرالىن، ونىڭ ىشىندە 292-ءسى رەسەيدە، 235 ارمەنيادا، 221 جاپونيادا، 162 گەرمانيادا جانە ت. ب. دەكلاراتسيالادى.سونىمەن قاتار، 47 جەكە تۇلعانىڭ ءبىزدىڭ ەلدەن تىس 57 زاڭدى تۇلعادا قاتىسۋ ۇلەسى بار، بۇل رەسەيدە، كيپردە، اراب امىرلىگى جانە ت. ب. ودان بولەك، 1585 جەكە تۇلعا 11 ەلدە 1603 جىلجىمايتىن مۇلىك وبەكتىسىنىڭ قۇرىلىسىنا قاتىسۋ ۇلەسىنىڭ بار ەكەنىن كورسەتتى. ينۆەستيتسيالىق التىندى 116 ادام جاريالادى، 918 ادام 25 ەلدە باعالى قاعازدارى بارىن، 635 ينۆەستيتسيالىق قوردا 608 ادامنىڭ ۇلەسى بار، 212 ادامنىڭ 218 زياتكەرلىك مەنشىك، اۆتورلىق قۇقىق وبەكتىلەرى بار، 355 ادامنىڭ دەبيتورلىق بەرەشەگى بار، 578 ادامنىڭ كرەديتورلىق بەرەشەگى بار»، – دەدى ج. ىڭكارباەۆ.
ايتا كەتەرلىگى، 2021 جىلعى 1 قاڭتاردان باستاپ جالپىعا بىردەي دەكلاراتسيالاۋ جاريالانعان بولاتىن. ءبىرىنشى بولىپ مال-مۇلكىن مەملەكەتتىك قىزمەتشىلەر مەن ولاردىڭ جۇبايلارى جاريالانۋى مىندەتتەلگەن. 2023 جىلعى 1 قاڭتاردان باستاپ مەملەكەتتىك مەكەمەلەر مەن كۆازيمەملەكەتتىك سەكتور قىزمەتكەرلەرى مەن ولاردىڭ جۇبايلارى مەنشىگىندەگى بارىن جاريالاۋى ءتيىس. 2024 جىلدىڭ 1 قاڭتارىنان باستاپ دەكلاراتسيالاۋمەن بيزنەس وكىلدەرى، ياعني زاڭدى تۇلعالار مەن جەكە كاسىپكەرلەردىڭ باسشىلارى، قۇرىلتايشىلارى جۇبايلارىمەن قامتىلادى.
دەكلاراتسيالاۋدىڭ سوڭعى كەزەڭىنە 2025 جىلدىڭ 1 قاڭتارىنان باستاپ قالعان ساناتتاعى ازاماتتار ەنۋى ءتيىس.
الدىن الا دەرەكتەر بويىنشا جالپىعا بىردەي دەكلاراتسيالاۋ جۇيەسىنە 13 ملن ادام كىرەدى.
”ادىرنا” ۇلتتىق پورتالى
