Reseı prezıdenti Vladımır Pýtın el sheneýnikterine sóılegende nemese resmı qujattarda shet tildik sózderdi qoldanýǵa tyıym salatyn zańǵa qol qoıdy. Bul týraly "Kommersant" portaly jarııalady, dep habarlaıdy “Adyrna” ulttyq portaly.
"Reseı Federaııasynyń memlekettik tili týraly" zańǵa túzetýler engizilýde. Zań normalary barlyq menshik nysanyndaǵy uıymdardyń reseıliktermen resmı qarym-qatynastary men resmı hat almasýlary úshin, memlekettik jáne mýnııpaldyq aqparattyq júıeler úshin, sondaı-aq taýarlardy tutynýshylarǵa arnalǵan aqparattar úshin mindetti bolatyny atap ótilgen.
Sondaı-aq, qujatta orys tilin shet tilimen shubarlata sóıleýden qorǵaý kerektigi aıtylǵan. Tek orys tilinde analogy joq sózderge ǵana qoldaný ruqsat etilgen.
Analogy joq shetel sózderiniń tizimi arnaıy sózdikter men anyqtamalyqtarda jarııalanatyn bolady. Olardy orys tili jónindegi komıssııanyń usynystary negizinde úkimet bekitpek.
