Syrtqy ister mınıstrliginiń resmı ókili Aıbek Smadııarov búginde Qazaqstan azamattary úshin Shengen vızasyn alý qıyndaǵanyn, oǵan turǵyndardyń jıi jalǵan málimet beretini sebep bolǵanyn aıtty, dep habarlaıdy “Adyrna” ulttyq portaly.
Vedomstvo ókiliniń aıtýynsha, qazir SIM EýroOdaq ókilderimen vızalyq rejımdi jeńildetý boıynsha jumys júrgizip jatyr.
“Eýropa elderi konsýldarynyń aqparatyna qaraǵanda Qazaqstanda jalǵan qujattardy usyný deregi jıilep ketti. Bul óz kezeginde Shengen vızasyn berýden bas tartý faktileriniń ósýine alyp keled”i, - dedi Aıbek Smadııarov Astanada ótken baspasóz máslıhatynda.
Sondaı-aq, ol vıza alý úshin jalǵan derekteri bar qujattardy usyný Qazaqstan ımıdjine eleýli zııan keltirip, kelissóz júrgizýdi qıyndatatynyn aıtady.
«Bolashaqta vızadan bas tartý múmkindigin kóbeıte otyryp, azamattarymyzdyń vızalyq málimetterin nasharlatady. Mundaı jalǵan qujattar muqııat tekseriletinin eskersek, vızalyq ótinishterdi qaraý merzimin uzartady. Saldarynan azamattardyń vızany keshiktirý týraly shaǵymy jıilep ketti. Osyǵan baılanysty qajet qujattardy usyný, vızaǵa ótinish berý, tıisti alymdardy tóleý proesin muqııat baqylaýǵa shaqyramyz», - dedi ol.
Aıbek Smadııarov shetelge barǵysy keletin qazaqstandyqtarǵa eskertý jasady.
«Qazaqstan azamattary kóbinese jalǵan málimetterdi berip, (shetelge) shyqpaq túgili (elden) shyǵa almaı jatyr. Osy másele bolyp tur. Árıne, vıza berýden bas tartý proenti ósip kele jatyr. Nege? Sebebi, bizdiń azamattar jalǵan málimet berip jatyr. Olar ushaq bıletin jalǵan bronǵa qoıady nemese qonaqúıdiń jalǵan derekterin kórsetedi, jumys istep jatqan orynnan jalǵan aqparat alyp keledi: aılyǵy, banktegi shoty týraly.
Munyń bárin (sheteldiń) vızalyq ortalyǵy konsýlmen birge tekseredi. Bul ýaqyt alady. Osydan «Bizge nege vızany tez bermeıdi?» degen suraq týyndaıdy. Árıne, jalǵan aqparat berseń (vıza berý rásimi de) sozylady. Jalǵan aqparatty bergen adam olardyń arnaıy tizilimine engiziledi. Keleshekte oǵan vıza alý qıyn bolady. Sondyqtan qazaqstandyqtar aqparat beretin bolsa, naqty aqparat berýi kerek. Bul bárine áser etip jatyr», - dep sózin túıindedi ol.
