Úılesimdi úshtaǵan

2759
Adyrna.kz Telegram

(Muǵalimder kúnindegi mereısóz)

Ómirde ustazdan kende bolmappyz. Solardyń ishinde jazý ónerine baýlyǵan úsh ustazdyń orny bólek. Shanjarhan Bekmaǵambetov, Sámen Qulbaraq, Bıbaısha Alpysbaeva... Bular – bir kezdegi Qaratereń orta mektebiniń órimdeı jas muǵalimderi. Úsheýi de kez-kelgen shákirtiniń keýdesindegi «janaıyn degen bir shyraqty» (Ǵalı Ormanov) tutata biletin-di. Sol tusta olardyń jasy jıyrmanyń shamasynda ǵana bolatyn. Teńiz qoltyǵyndaǵy Qaratereńge biri KazGÝ-di, ekinshisi KazPI-di bitirip keldi. Úshinshisi Qyzylorda pedınstıtýtynda oqyp júrdi. Olar ár jyldarda bir balasy shtýrval, bir balasy qalam, bir balasy sazan ustaǵan balyqshy aýylǵa kelip, sol uǵymtal ulandardyń júregine shyǵarmashylyqtyń otyn jaqty.

Áýeli nebári on jeti jastaǵy sámbitaldaı boıjetken Bıbaısha apaıymyz jazǵan-syzǵanymyzdy baǵalap, sol kúıinde qaldyrmaı, gazet-jýrnal redakııasyna joldaýdyń jón-jobasyn kórsetti. Shıryǵyp turatyn Shamhan (Shanjarhan) aǵaı ábden silikpemizdi shyǵaryp, erteli-kesh shyǵarma jazdyrdy. Kóp uzamaı búkil klass biri qalmaı kórkem dúnıe kestelep, shabyttyń jelkenin kóterip ketti. Al áıgili bylǵary qolǵap sheberi Shoqyr Bóltekulynyń shákirti, birinshi razrıadty boksshy Sámen aǵaıymyz bizdi kúndiz klasta, keshke rıngte tynymsyz tópelep, qamaý terimizdi alyp, ádebıettiń uńǵyl-shuńǵylyn úıretti.
Sonyń paıdasyn keıin aýyldyń balalary kórdi. Qarap júrmeı qara óleń qurastyra júretin Qaratereńniń qalamgerleri bizge deıin de jetkilikti edi. Bizden keıin tipti qaýlap ketti. Osyǵan máneri bólek ulaǵatty úsh ustazdyń yqpaly bolǵany aıdan anyq.

Qazir olardyń ózderi de kóshtiń aldynda keledi. Esimderi elge tanymal. Biri pýblııst, ekinshisi lıngvıst, úshinshisi synshy. Úsheýiniń jazǵan dúnıelerin jınaqtasa, shaǵyn kitaphananyń bir buryshyn toltyrýǵa bolar.

Bıbaısha Alpysbaeva – Qyzylordada shyǵatyn «Aqparat kz» gazetiniń bas redaktory, júırik jýrnalıst, myqty medıamenedjer.

Shanjarhan Bekmaǵambetov – Qorqyt Ata atyndaǵy Qyzylorda memlekettik ýnıversıtetiniń professory, fılologııa ǵylymdarynyń kandıdaty, til genetıkasyn zerttep júrgen bilikti ǵalym.

Sámen Qulbaraq – M.H.Dýlatı atyndaǵy Taraz memlekettik ýnıversıtetiniń professory, fılologııa ǵylymdarynyń doktory, áleýetti ádebıettanýshy.

O basta mektep qabyrǵasynda qalamymyzdy durystap ushtap bergen osy úsh ustazdy qazaqtyń úsh bıindeı qadir tutsaq, artyq bolmas. Merekelerińiz qutty bolsyn, meniń maıtalman muǵalimderim!

Baýyrjan OMARULY

Pikirler