«Orynbor qazaqtyŋ jerı emes». Būl turaly belgılı alaştanuşy Sūltanhan Aqqūlūly jurnalist Äliia Äşımnıŋ «Orda: Qazaq memlekettılıgı, şekarasy turaly» derektı filmınde baiandady, dep habarlaidy «Adyrna» ūlttyq portaly.
Qazaqtyŋ qalai qalyptasqandyǧy, aitylyp jürgen qaueset sözder, şekarasynyŋ belgılenuı turaly derektı filmde tek qana qazaq ǧalymdarynyŋ, alaştanuşylardyŋ pıkırı emes, Resei tarihşylarynyŋ da oiy sarapqa salynady.
«Orynbor qazaqtyŋ jerı». Barşa qalyŋ qazaq osy oidy ūstanady. Şyn ötırıgın qalai ajyratamyz?
Alaştanuşy Sūltanhan Aqqūlūly:
-Orynbor qalasy eşqaşan qazaqtyŋ jerı bolǧan emes. Älihan Bökeihannyŋ 1913 jyly ataǧan 9 oblys, 1 guberniiasynda Orynbor oblysy joq. Öitkenı, Orynbor başqūrt jerıne salynǧan qala. Sondyqtan Älihandar tübegeilı qarsy bolǧan. Orynbor qalasynda halyqtyŋ 70-80%-y kazaktar boldy. 10-15%-y tatar,başqūrttar boldy. «Orynbor bızdıkı» deitınnıŋ bärı dalbasa söz. Orynbor bızdıŋ resmi astanamyz retınde 1920 jyldyŋ qyrküiek aiynda ǧana boldy. Sonyŋ özınde būǧan Ahmet Baitūrsynov ta tübegeilı qarsy boldy. Öitkenı bız öŋkei kazaktardyŋ arasynda otyryp qazaqtardy basqara almaimyz»,- dedı alaştanuşy.
"Adyrna" ūlttyq portaly
Ūqsas jaŋalyqtar
