«Orynbor qazaqtyń jeri emes». Bul týraly belgili alashtanýshy Sultanhan Aqqululy jýrnalıst Álııa Áshimniń «Orda: Qazaq memlekettiligi, shekarasy týraly» derekti fılminde baıandady, dep habarlaıdy «Adyrna» ulttyq portaly.
Qazaqtyń qalaı qalyptasqandyǵy, aıtylyp júrgen qaýeset sózder, shekarasynyń belgilenýi týraly derekti fılmde tek qana qazaq ǵalymdarynyń, alashtanýshylardyń pikiri emes, Reseı tarıhshylarynyń da oıy sarapqa salynady.
«Orynbor qazaqtyń jeri». Barsha qalyń qazaq osy oıdy ustanady. Shyn ótirigin qalaı ajyratamyz?
Alashtanýshy Sultanhan Aqqululy:
-Orynbor qalasy eshqashan qazaqtyń jeri bolǵan emes. Álıhan Bókeıhannyń 1913 jyly ataǵan 9 oblys, 1 gýbernııasynda Orynbor oblysy joq. Óıtkeni, Orynbor bashqurt jerine salynǵan qala. Sondyqtan Álıhandar túbegeıli qarsy bolǵan. Orynbor qalasynda halyqtyń 70-80%-y kazaktar boldy. 10-15%-y tatar,bashqurttar boldy. «Orynbor bizdiki» deıtinniń bári dalbasa sóz.
Orynbor bizdiń resmı astanamyz retinde 1920 jyldyń qyrkúıek aıynda ǵana boldy. Sonyń ózinde buǵan Ahmet Baıtursynov ta túbegeıli qarsy boldy. Óıtkeni biz óńkeı kazaktardyń arasynda otyryp qazaqtardy basqara almaımyz»,- dedi alashtanýshy.
"Adyrna" ulttyq portaly
